Collecting knowledge For you !

ഖലീൽ ജിബ്രാൻ ((1883 –1931) -- ലബനോണിന്റെ ‘’ പ്രവാചകൻ ‘’

By:
Posted: January 6, 2018
Category: Humans
Comments: 0
download palathully android app ! >>>> Get!

കഴിഞ്ഞ നൂറ്റാണ്ടിനെ ധന്യമാക്കിയ കവിയും ദാര്ശനികനുമാണ് ഖലീൽ ജിബ്രാൻ .ജിബ്രാന്റെ കൃതികളിലെ ദാർശനിക മൂല്യം അവകാശപ്പെടാവുന്ന ആധുനിക കൃതികൾ കുറവാണ് .അദ്ദേഹത്തിന്റെ ''ദി പ്രൊഫെറ്റ് '' എന്ന കൃതി എക്കാലത്തെയും മികച്ച സാഹിത്യ സൃഷ്ടികളിൽ ഒന്നായി കരുതപ്പെടുന്നു .ഷേക്സ്പെയരും ലാവോ സു വും കഴിഞ്ഞാൽ അദ്ദേഹത്തിന്റെ കവിതകളാണ് ഏറ്റവുമധികം വില്കപ്പെട്ടിട്ടുള്ളത് .

ടർക്കിഷ് അധിനിവേശ കാലത്തെ ലബനോനിലാണ് ഖലീൽ ജിബ്രാൻ ജനിച്ചത് .അച്ഛന്റെ പേരും ഖലീൽ ജിബ്രാൻ എന്ന് തന്നെ 'അമ്മ കമീല..ജനന സ്ഥലം ബഷാറി എന്ന പട്ടണം .ടർക്കിഷ് അധിനിവേശത്തിന്റെ ഭീകരതയിൽ നിന്ന് രക്ഷപ്പെട്ടു ജിബ്രാനും കുടുംബവും അമേരിക്കയിലേക്ക് കുടിയേറി .അവിടെവച്ചാണ് അദ്ദേഹത്തിന്റെ സാഹിത്യ സപര്യ ആരംഭിക്കുന്നത് . അമേരിക്കയിലെ അദ്ദേഹത്തിന്റെ ആദ്യ കാലജീവിതം കഷ്ടപ്പാട് നിറഞ്ഞതായിരുന്നു .അദ്ദേഹത്തിന്റെ 'അമ്മ വളരെ കഷ്ടപ്പെട്ടാണ് അദ്ദേഹത്തെയും സഹോദരങ്ങളെയും വളർത്തിയത് ..അദ്ദേഹത്തിന്റെ അമ്മയും രണ്ടു സഹോദരങ്ങളും അദ്ദേഹത്തിന്റെ ചെറുപ്പത്തിലേ മരിച്ചു ..പിന്നീട സഹോദരിയായ മറിയാനാ അദ്ദേഹത്തിന് മാതൃതുല്യ ആയിത്തീർന്നു . ചിത്രകല അഭ്യസിച്ച ശേഷം അദ്ദേഹം നല്ലൊരു ചിത്രകാരൻ എന്ന് പേരെടുത്തു ..അദ്ദേഹത്തിന്റെ ആദ്യകാല എഴുതകൾ അറബിയിൽ ആയിരുന്നു പിന്നീടാണ് അദ്ദേഹം ഇംഗ്ലീഷ് എഴുത്തിലേക്ക് തിരിഞ്ഞത് .

പലപ്പോഴും അദേഹഹത്തിന്റെ ആരോഗ്യം മോശമായിരുന്നു .ക്ഷയ രോഗ ബാധ ചെറുപ്പത്തിലേ അദ്ദേഹത്തെ പിടികൂടി .1931 ഇൽ നാല്പത്തിയെട്ടാമത്തെ വയസ്സിൽ ന്യൂ യോർക്കിൽ വച്ചു അദ്ദേഹം ദിവംഗതനായി.
--
ജിബ്രാന്റെ കൃതികൾ
--
ജിബ്രാന്റെ ശ്രേഷ്ടമായ രചന ''ദി പ്രൊഫെറ്'' ആണെന്ന് നിസംശയം പറയാം .ഗദ്യ പദ്യ സമന്വയ ഭാഷയിലാണ് 'ദി പ്രൊഫെറ്'' രചിക്കപ്പെട്ടിരിക്കുന്നത് ..ഒരു മനുഷ്യൻ വിവിധ വിഷയങ്ങളിൽ തന്നോട് തന്നെ ചോദിക്കുന്ന ചോദ്യങ്ങളുടെ തത്വചിന്താപരമായ ഉത്തരങ്ങളാണ് ഈ ഗ്രന്തത്തിൽ നിന്നും ലഭിക്കുന്നത് .പുറത്തിറങ്ങിയത് മുതൽ ഈ ഗ്രൻഥം വായനക്കാരുടെ ഇഷ്ട ഗ്രന്ഥമാണ് നാല്പതിലധികം ഭാഷകളിൽ ഈ ഗ്രന്ഥം വിവർത്തനം ചെയ്തിട്ടുണ്ട് .ഈ ഗ്രന്ഥത്തിന്റെ ജന പ്രീതി പ്രസിദ്ധീകരിച്ചതിന് ശേഷം ഒരു കാലത്തും മങ്ങിട്ടിട്ടില്ല. .ഈ ഗ്രന്ഥത്തിന്റെ റോയൽറ്റികളും വരുമാനവും എല്ലാം ജിബ്രാൻ ലെബനോനിലെ തന്റെ ജന്മനാടിനു എഴുതിവച്ചിരുന്നു ..'ദി പ്രൊഫെറ്'' കൂടാതെ വളരെയധികം കവിതകളും ഉപന്യാസങ്ങളും ചെറു ഗ്രന്ഥങ്ങളും അദ്ദേഹം രചിച്ചിട്ടുണ്ട് .അവയിൽ പലതും അദ്ദേഹത്തിന്റെ മരണ ശേഷമാണ് പ്രസിദ്ധീകരിച്ചത്
---
.
ചിത്രങ്ങൾ: ഖലീൽ ജിബ്രാൻ : ജിബ്രാൻ സ്മാരകo ബ്രസീൽ ,ജിബ്രാൻ മ്യൂസിയം ലെബനൻ കടപ്പാട് വിക്കിമീഡിയ കോമൺസ്
--
Ref: https://www.biography.com/people/khalil-gibran-9310556

Share The knowledge !

Related Posts

Leave a Reply

Your email address will not be published. Required fields are marked *