Collecting knowledge For you !

ബീറ്റിൽഗീസ് (Betelgeuse )-- ചുവപ്പു ഭീമൻ നക്ഷത്രം -സമീപ ഭാവിയിലെ ഒരു സൂപ്പർനോവ സാധ്യത

By:
Posted: January 3, 2018
Category: Space
Comments: 0
download palathully android app ! >>>> Get!

സൂര്യൻ അല്ലാതെ ഉപരിതലം ദൃശ്യമായിട്ടുള്ള ഒരു നക്ഷത്രമാണ് ബീറ്റിൽഗീസ്.ഓറിയോൺ താരാമണ്ഡലത്തിലെ രണ്ടാമത്തെ പ്രകാശമുള്ള നക്ഷത്രമാണ് ബീറ്റിൽഗീസ്.സൂര്യന്റെ പത്തുമടങ്ങിലേറെ ഭാരമുള്ള ബീറ്റിൽഗീസ് ഇപ്പോൾ അതിന്റെ ചുവപ്പു ഭീമൻ (RED GIANT ) അവസ്ഥയിലാണ് ..ബീറ്റിൽഗീസ് ഇന്റെ ദ്രവ്യമാനം കണക്കിലെടുത്താൽ എന്നുവേണമെങ്കിലും ഒരു സൂപ്പർനോവ സ്ഫോടനത്തിലൂടെ പൊട്ടിത്തെറിക്കാവുന്ന അവസ്ഥയിലാണ് ബീറ്റിൽഗീസ്.ഭൂമിയിൽനിന്നും 650 പ്രകാശവർഷം അകലെയുള്ള ബീറ്റിൽഗീസ് ന് സൂര്യന്റെ 800 മടങ് വ്യാസവും ഉണ്ട് ..അതിയായ വലിപ്പം ഉളളതിനാൽ ആൺ ബീറ്റില്സിഗീസിന്റെ പ്രതലം ഏറ്റവും വലിയ ദൂരദർശിനികളിലൂടെ കാണാൻ കഴിയുനനത്.വലിപ്പം നിര്ണയിക്കപ്പെട്ട ആദ്യ വിദൂര നക്ഷത്രമാണ് ബീറ്റിൽഗീസ്..ഒരു സൂപ്പർനോവ സ്ഫോടനത്തിലൂടെ ബീറ്റിൽഗീസ് തകരുമ്പോൾ അത് കുറെ ദിവസം പകല്പോലും കാണാനാവുന്ന രീതിയിൽ പ്രകാശം ചൊരിയും എന്നാണ് കരുതപ്പെടുന്നത്
.
. ഭൂമിയിൽ നിന്നും കാണപ്പെടുന്ന ഒൻപതാമത്തെ പ്രകാശമേറിയ നക്ഷത്രമാണ് ബീറ്റിൽ ഗീസ് .ഭാരതീയ ജ്യോതിശാസ്ത്രപ്രകാരം ''ആർദ്ര ''എന്നാണ് ബീറ്റിൽ ഗീസ് അറിയപ്പെടുന്നത് .ജ്യോതിഷ /ജ്യോതിശാസ്ത്ര നിയമങ്ങൾ പ്രകാരം തിരുവാതിര നക്ഷത്ര സമൂഹത്തിന്റെ ഭാഗമാണ് ബീറ്റിൽ ഗീസ്
ബീറ്റില്സിഗീസിനെപ്പോലെയുള്ള വമ്പൻ നക്ഷത്രങ്ങളുടെ ആയുസ്സ് തുലോം കുറവാണ് .ലഭ്യമായ ആണവ ഇന്ധനമായ ഹൈഡ്രജനും ഹീലിയവും പെട്ടെന്ന് എരിച്ചു തീർക്കുകയാണ് അവ ചെയ്യുക..ബീറ്റിൽ ഗീസ് രൂപം കൊണ്ടിട്ട് ഏതാനും കോടി വർഷങ്ങളെ ആയിട്ടുളൂ .എന്നിരുന്നാലും ഇപ്പോൾ താനെ ഹൈഡ്രജൻ ,ഹീലിയം എന്നീ മൂലകങ്ങളുടെ ഫ്യൂഷൻ പൂർത്തിയാക്കി ഓക്സിജൻ നൈട്രജൻ തുടങ്ങിയ താരതമ്യേന വലിയ മൂലകങ്ങളുടെ ഫ്യൂഷൻ നടക്കുന്ന ചുവപ്പു ഭീമൻ അവസ്ഥയിലാണ് ഇപ്പോൾ ബീറ്റിൽ ഗീസ്.അത്യന്തം അസ്ഥിരമായ അവസ്ഥയാണിത് .വലിപ്പത്തിലും ഊർജ ഉൽപ്പാദനത്തിലും വലിയ ഏറ്റക്കുറച്ചിലുകൾ ഈ അവസ്ഥയിൽ ഉണ്ടാകാറുണ്ട് .ബീറ്റില്സിഗീസിന്റെ ദൃശ്യ പ്രകാശമാനം തന്നെ പൂജ്യത്തിനും 1.3 നും ഇടക്ക് വ്യത്യാസപ്പെടുന്നുണ്ട്
.
അനിവാര്യമായ സൂപ്പർനോവ സ്ഫോടനം
--
ബീറ്റിൽ ഗീസിന്റെ ദ്രവ്യമാനം സൂര്യനും പത്തു മടങ്ങിൽ അധികമാണ് .അതിനാൽ തന്നെ ഈ നക്ഷത്രത്തിന്റെ അടുത്ത ഘട്ടം ഒരു സൂപ്പർനോവ സ്ഫോടനം ആണെന്നതിനു സംശയം ഇല്ല .ഇപ്പോഴത്തെ നിരീക്ഷണങ്ങൾ പ്രകാരം ബീറ്റിൽഗീസ് എന്ന് വേണമെനിക്കും ഒരു സൂപ്പർ നോവ സ്ഫോടനത്തിലൂടെ തകർന്നടിയാം .ബീറ്റൽ ഗീസിൽനിന്നും പ്രകാശം ഭൂമിയിൽ ഏതാണ് 650 വര്ഷം എടുക്കുന്നതിനാൽ ഒരുപക്ഷെ ബീറ്റില്സിഗീസിന്റെ സൂപ്പർനോവ തകർച്ച നടന്നിട്ടുണ്ടാവും .ആ പ്രകാശം നമ്മളിൽ എത്തിയിട്ടില്ല എന്ന് മാത്രം .ഉറപ്പിച്ചു പറയാൻ കഴിയുക കഴിഞ്ഞ 650 വര്ഷത്തിനിടക്ക് ബീറ്റിൽഗീസ്‌ സൂപ്പർ നോവ സ്ഫോടനത്തിലൂടെ തകർന്നിട്ടില്ല എന്ന് മാത്രമാണ്
.
ബീറ്റിൽ ഗീസിന്റെ വലിപ്പവും അതുമൂലമുള്ള സൂപ്പർനോവ സ്ഫോടനവും വളരെയധികം ശക്തമായിരിക്കും എന്നാണ് കണക്കുകൂട്ടപ്പെടുന്നത് .സൂര്യനെക്കാൾ ദശലക്ഷക്കണക്കിനു മടങ് ഊർജ്ജമായിരിക്കും ബെറ്റിൽഗീസിന്റെ സൂപ്പർ നോവ സ്ഫോടനം പുറന്തള്ന്നത് .പുറന്തള്ളുന്ന ഊർജത്തിന്റെ സിംഹഭാഗവും ഗാമ കിരണങ്ങളും എക്സ് റേയുമായിട്ടായിരിക്കും .എന്നാലും സൂര്യനെക്കാൾ ലക്ഷക്കണക്കിന് മടങ് ദൃശ്യ പ്രകാശവും പുറന്തള്ളപ്പെടും ..ബെറ്റിൽഗീസിന്റെ തകർച്ച ആകാശത്തിൽ പൂര്ണചന്ദ്രനോളം പ്രകാശം ചൊരിയുന്ന ഒരു നക്ഷത്രത്തെയാവും മാസങ്ങളോളം പ്രദർശിപ്പിക്കുക നട്ടുച്ചക്കുപോലും ഈ സൂപ്പർനോവയെ കാണാനാകും

.
സൂപ്പർനോവ സ്ഫോടനത്തിനുശേഷം അവശേഷിക്കുനന്ത് സൂര്യന്റെ രണ്ടുമടങ് ദ്രവ്യമാനമുള്ള ഒരു ന്യൂട്രോൺ നക്ഷത്രമാവാനാണ് സാധ്യത .ബീറ്റിൽ ഗീസിന്റെ തകർച്ച ഒരു തമോദ്വാരം സൃഷ്ടിക്കാനുള്ള സാധ്യത കുറവാണ് എന്നാണ് കരുതെപ്പെടുന്നത് .
.
ബീറ്റിൽ ഗീസിന്റെ അനിവാര്യമായ തകർച്ച പല പ്രചാരണങ്ങൾക്കും കാരണമായിട്ടുണ്ട് .2009 ൽ ബെറ്റിൽഗീസിനെ നിരീക്ഷിച്ച ഒരു സംഘം ശാസ്ത്രജ്ഞർ ആ നക്ഷത്രത്തിന്റെ തകർച്ച ഉടൻ സംഭവിക്കും എന്ന് വിധിയെഴുതി .എന്നാൽ പിന്നീട് അത് ശരിയല്ല എന്ന് തെളിഞ്ഞു . ബീറ്റിൽഗീസ് ൽ നടക്കുന്ന ശക്തമായ നക്ഷത്ര കമ്പനങ്ങളെ യാണ് അന്ന് ശാസ്ത്രജ്ഞർ നിരീക്ഷിച്ചത് ആ നക്ഷത്ര കമ്പനങ്ങൾ ഒരു സൂപ്പർ നോവ സ്‌ഫോടനത്തിന്റെ നാന്ദിയാവാം എന്നാണ് അവർ കരുതിയത് .എന്നാൽ അതിനേക്കാൾ വലിയ നക്ഷത്ര കമ്പനങ്ങൾകെ സൂപ്പർ നോവ സ്‌ഫോടനങ്ങൾക്ക് ഹേതുവാകാനാകൂ എന്നാണ് ഇപ്പോഴുള്ള നിഗമനം .ബീറ്റിൽ ഗീസിന്റെ തകർച്ച വൻതോതിൽ ഗാമ കിരണങ്ങൾ ഉത്പാദിപ്പിക്കും എന്ന് അവ ഭൂമിയിലെ ജീവനെപ്പോലും സാരമായി ബാധിക്കും എന്ന് ചില അഭ്യൂഹങ്ങളുണ്ട് .പക്ഷെ ബീറ്റിൽ ഗീസിന്റെ തകർച്ച ഉൽപ്പാദിപ്പിക്കുന്ന ഗാമ കിരണങ്ങളും എക്സ് റെയ്‌കളും ഭൂമിയിലെ ജീവനെ ബാധിക്കാൻ തക്ക ശക്തമായിരിക്കില്ല എന്നാണ് സുവ്യക്തമായ കണക്കുകൂട്ടലുകൾ വെളിവാക്കുന്നത്
.
ബീറ്റിൽഗീസ് നിലനിൽക്കുന്നത് വളരെയധികം പൊടിപടലങ്ങൾ നിറഞ്ഞിരിക്കുന്ന ഓറിയോൺ മോളികുലാർ ക്ലൗഡ് നെബുലയുടെ പരിസരത്താണ് ബെറ്റിൽഗീസിന്റെ തകർച്ച യിലൂടെ ഈ നെബുലയിൽ നിന്നും അനേകം നക്ഷത്രങ്ങൾ ജന്മമെടുക്കാനാണ് സാധ്യത .
--
PS:

.
ഒരു നക്ഷത്രം സൂപർനോവ സ്ഫോടനത്തിലൂടെ ബ്ലാക് ഹോൾ ആകുമോ എന്നുള്ളത് പല ഘടകങ്ങളെയും ആശ്രയിച്ചിരിക്കും .സൂര്യന്റെ ദ്രവ്യമാനത്തിന്റെ 1..4 മടങ്ങു കുറവുള്ള ഒരു നക്ഷത്രത്തിന് ഒരിക്കലും ഒരു ബ്ലാക് ഹോൾ ആകാനാകില്ല .ചന്ദ്രശേഖർ ലിമിറ് എന്നാണ് ഈ ലിമിറ്റിനു പേര് .സൂര്യന്റെ ദ്രവ്യമാനത്തിന്റെ 1..4 മടങ്ങു കുറവുള്ള നക്ഷത്രങ്ങൾ സൂപ്പർനോവയായി പൊട്ടിത്തെറിക്കും പക്ഷെ പിന്നീടവശേഷിക്കുന്നത് വെള്ള കുള്ളൻ (WHITE DWARF ) വൈറ്റ് ഡ്വാർഫ് എന്ന സംവിധാനം ആയിരിക്കും .സൂര്യനും 30 മടങ്ങു ഭാരമുണ്ടെങ്കിൽ മാത്രമേ സൂപ്പർ നോവ സ്ഫോടനം തീർച്ചയായും ഒരു തമോ ദ്വാരം സൃഷ്ടിക്കുകയുളൂ .സൂര്യന്റെ പത്തുമടങ്ങുവരെയാണ് ഭാരമെങ്കിൽ സൂപ്പർ നോവ സ്ഫോടനം വെള്ളകുള്ളനെ സൃഷ്ടിക്കാനാണ് സാധ്യതെ കൂടുതൽ .സൂര്യന്റെ 10 മുതൽ 30 മടങ്ങുവരെയാണ് ഭാരമെങ്കിൽ ന്യൂട്രോൺ സ്റ്റാർ ആവും സൂപ്പർനോവ സഫ്‍ടനത്തിന്റെ ശേഷിപ്പ് .ബീറ്റിൽഗെസ് ഇത്തരം ഒരു നക്ഷത്രമാണ് .സൂര്യനും മുപ്പതു മടങ്ങിലധികം ദ്രവ്യമാനമുള്ള നക്ഷത്രങ്ങളുടെ തകർന്നടിയലിൽ മാത്രമാണ് തമോദ്വാരം ഒരു അനിവാര്യതയായി മാറുന്നത് .സംഭവ്യതകൾ ഇങ്ങിനെയായതുകൊണ്ട് ബീറ്റില്സിഗീസിന്റെ തകർന്നടിയാൽ ഒരു തമോദ്‌വാരം സൃഷ്ടിക്കാനുള്ള സാധ്യത കുറവാണ് .ബീറ്റില്സിഗീസിന്റെ തകർന്നടിയാൽ ഒരു ന്യൂട്രോൺ സ്റ്റാറിനെ സൃഷ്ടിക്കാനാണ് കൂടുതൽ സാധ്യത .ബീറ്റില്സിഗീസിന്റെ രാസഘടനയും ആ സാധ്യതയിലേക്കാണ് വിരൽ ചൂണ്ടുന്നത് .
--
ചിത്രം :ബീറ്റിൽഗീസ്,കടപ്പാട് വിക്കിമീഡിയ കോമൺസ്,
--
Ref:

1. https://en.wikipedia.org/wiki/Betelgeuse
2. https://apod.nasa.gov/apod/ap100106.html
3. https://apod.nasa.gov/apod/ap090805.html
4.https://www.space.com/22009-betelgeuse.html

Share The knowledge !

Related Posts

Leave a Reply

Your email address will not be published. Required fields are marked *