Collecting knowledge For you !

മാഗ്നെട്രോൺ - യുദ്ധത്തിലും സമാധാനത്തിലും തിളങ്ങിയ (തിളങ്ങുന്ന ) വിരുതൻ

By:
Posted: January 15, 2018
Category: Engineering
Comments: 0
download palathully android app ! >>>> Get!

മനുഷ്യചരിത്രത്തിൽ നിർണായക സ്വാധീനം ചെലുത്തിയ ഒരു ഇലക്ട്രോണിക് ഉപകരണമാണ് മാഗ്നെട്രോൺ ..വലിയ ആന്റെനകൾ ഉപയോഗിച്ച് പ്രവർത്തിച്ചിരുന്ന ആദ്യ കാല റഡാറുകളെ അതിശക്തമായ യുദ്ധോപകരണങ്ങളാക്കി മാറ്റിയത് മാഗ്നെട്രോണുകളായിരുന്നു .രണ്ടാമത്തെ ലോക മഹായുദ്ധകാലത് ആണവ ആയുധങ്ങളുടെ രഹസ്യത്തോളം പ്രാധാന്യമുള്ള രഹസ്യമായി സൂക്ഷിക്കാൻ രാജ്യങ്ങൾ ശ്രമിച്ചിരുന്നതാണ് ഹൈ പവർ മൈക്രോവേവ് ആവൃത്തി മാഗ്നെട്രോണുകളുടെ രഹസ്യം .ഇത്തരം മാഗ്നെട്രോണുകളുടെ നിർമാണത്തിൽ രണ്ടാമത്തെ ലോക യുദ്ധകാലത് ബ്രിട്ടനുണ്ടായിരുന്ന മുൻതൂക്കമാണ് യുദ്ധത്തിലെ പരാജയത്തിൽ നിന്നും അവരെ രക്ഷിച്ചത് എന്ന് പറയുന്നത് പോലും അതിശയോക്തി അല്ല .ലോകയുദ്ധത്തിനിശേഷം മാഗ്നെട്രോൺ കൂടാതെ മറ്റനേകം മൈക്രോവേവ് ആവൃത്തി ഓസിലേറ്ററുകൾ കണ്ടുപിടിക്കപ്പെട്ടു.റഡാറുകളിൽ നിന്നും മാഗ്നെട്രോണുകൾ വലിയൊരളവുവരെ നിഷ്കാസനം ചൈയ്യപെട്ടു .എന്നാലും മൈക്രോവേവ് ഓവനുകളിൽ ഇപ്പോഴും മൈക്രോവേവ് മാഗ്നെട്രോണുകൾ ഉപയോഗിക്കുന്നു . വൻതോതിലുള്ള നിർമാണം അവയുടെ വിലയും വളരെയധികം കുറച്ചു .യുദ്ധത്തിനുവേണ്ടി നിർമിച്ച ഒരുപകരണം മനുഷ്യന്റെ നിത്യജീവിതത്തിന്റെ ഭാഗമായ ഒരുപകരണമായ കഥയാണ് മാഗ്നെട്രോണുകളുടേത്.
.
.
പ്രായോഗികമായ ആദ്യ മാഗ്നെട്രോൺ നിർമിച്ചത് 1921 ഇൽ ജനറൽ ഇലക്ട്രിക്ക് ക്മ്പനിയിലെ ശാസ്ത്രജ്ഞനായിരുന്ന . A W ഹള്ള് (A W HULL)ആണ്.പക്ക്ഷേ അത് മൈക്രോവേവ് ആവൃതിയിൽ പ്രവർത്തിക്കുന്ന ഒരു മാഗ്നെട്രോൺ ആയിരുന്നില്ല. 1925 ഇൽ ജനറൽ ലൿട്രിക്ടിലെ മറ്റൊരു ശാസ്ത്രജ്ഞനായ എൽഡർ 8 കിലോവാട് ശക്തിയുള്ള ഒരു മാഗ്നെട്രോൺ വികസിപ്പിച്ചു .പക്ഷെ അതും താഴ്ന്ന ആവൃതിയിൽ പ്രവർത്തിക്കുന്ന ഒരു ഉപകരണമായിരുന്നു .താഴ്ന്ന ആവൃതിയിൽ പ്രവർത്തിക്കുന്ന വാക്വം ട്യൂബുകൾക്ക് ഭീഷണിയുയർത്താൻ താഴ്ന്ന ആവൃതിയിൽ പ്രവൃത്തിക്കുന്ന മാഗ്നെട്രോണുകൾക്കു കഴിഞ്ഞില്ല .പക്ഷെ വലിയ ആവൃതിയിൽ പ്രവർത്തിക്കുന്ന മാഗ്നെട്രോണുകൾക്കുവേണ്ടിയുള്ള ഗവേഷണം തുടർന്നു .
.
ആദ്യകാല മാഗ്നെട്രോണുകൾ അവയുടെ പവർ ഔട്ട് പുട്ടിലും ആവൃതിയിലും സ്ഥിരത ഉള്ളവ ആയിരുന്നില്ല .ആവൃത്തിയിൽ സ്ഥിരതയില്ലാത്ത ഒരുപകാരണത്തിന് ഒരു ഓസ്സില്ലെറ്റർ ആയി പ്രവർത്തിക്കുന്നതിന് പരിമിതികൾ ഉണ്ട് .ജപ്പാനിൽ എച് യാഗി മാഗ്നെട്രോണുകളിൽ സ്വതന്ത്രമായി ഗവേഷണം നടത്തുകയും പല ഗുണപരമായ മാറ്റങ്ങളും അവയിൽ കൊണ്ടുവരികയും ചെയ്തു . അദ്ദേഹത്തിന്റെ ഗവേഷണ ബലമായി ജപ്പാൻ റേഡിയോ കമ്പനി 500 വാട്ട് ശക്തിയുള്ള ഒരു മാഗ്നെട്രോൺ 1939 ഇത് രംഗത്തിറക്കി .പക്ഷെ ഈ മാഗ്നെട്രോൺ പ്രവർത്തപിയ്ക്കാൻ അത്ര എളുപ്പമായിരുന്നില്ല .
.
ഇന്ന് കാണുന്നതരത്തിലുള്ള മൾട്ടി കാവിറ്റി മാഗ്നെട്രോണുകൾ വികസിപ്പിച്ചത് 1939 ഇൽ ബ്രിട്ടനിലെ ജോൺ T. റാൻഡാൽ ഉം ഹെന്രി A.H. ബൂട്ട് ഉമാണ് .അവരുടെ മാഗ്നറ്റിറോൺ ഡിസൈൻ അന്നുവരെയുള്ള മാഗ്നെട്രോണിന്റെ എല്ലാ കുറവുകളേയും പരിഹരിച്ചു .തൊണ്ണൂറു ശതമാനത്തിനു മുകളിൽ എഫിഷ്യൻസി ഉണ്ടായിരുന്നതിനാൽ മാഗ്നെട്രോൺ തണുപ്പിക്കാൻ വിപുലമായ മാർഗങ്ങൾ വേണ്ടിവന്നില്ല ...മൾട്ടി കാവിറ്റി മാഗ്നെട്രോണുകൾ സ്ഥിരതയുള്ള ആവൃത്തികൾ പുറപ്പെടുവിച്ചു .സർവോപരി അവക്ക് മൈക്രോവേവ് ആവൃത്തികളിൽ വളരെ വലിയ ഔട്ട്പുട്ട് പവർ പുറപ്പെട്ട്വിക്കാനും കഴിഞ്ഞു .ഒറ്റയടിക്ക് മാഗ്നെട്രോണിന്റെ വളരെയധികം കുറവുകളെയാണ് രണ്ടാലും, ബൂട്ടും ഇല്ലാതാക്കിയത് .അതോടെ മാഗ്നെറ്റോണുകൾ ഗവേഷണ സ്ഥാപനങ്ങളിൽ നിന്നും യുദ്ധ മേഖലകളിലേക്ക് പറിച്ചു നടപെടുകയും ചെയ്തു .റാൻഡാലിനെയും ബൂട്ടീനെയുമാണ് കാവിറ്റി മാഗ്നെട്രോണിന്റെ കണ്ടുപിടുത്തക്കാരായി ഇപ്പോൾ അംഗീകരിക്കുന്നത് .എന്നാൽ അലെക്സറഫ് , മലീറോഫ് എന്നെ റഷ്യാക്കാർ അവർക്കും മുൻപ് ക്യാവിറ്റി മാഗ്നെട്രോൺ കണ്ടുപിടിച്ചിരുന്നു എന്നൊരു വാദവും നിലനിൽക്കുന്നുണ്ട് .യാഗിയുടെ ജാപ്പനീസ് മാഗ്നെട്രോണും ശരിക്കുള്ള ഒരു ക്യാവിറ്റി മാഗ്നെട്രോൺ ആയിരുന്നു എന്ന വാദവുമുണ്ട് . എന്തായാലും രണ്ടലിന്റെയും ,ബൂട്ടിന്റെയും മാഗ്നെട്രോൺ ആണ് രണ്ടാം ലോക യുദ്ധത്തിന്റെ ഗതി മാറ്റിയ മാഗ്നെട്രോൺ എന്ന് നിസംശയം പറയാം
.

സൈനിക റഡാറുകളിൽ നിന്ന് മാഗ്നെട്രോണുകൾ വലിയതോതിൽ നിഷ്കാസനം ചൈയ്യപെട്ടു കഴിഞ്ഞു .സിവിലിയൻ റഡാറുകളിൽ ഇപ്പോഴും അവ വൻതോതിൽ ഉപയോഗിക്കുന്നുണ്ട് .അതുകൂടാതെ മൈക്രോവേവ് ഓവനുകളിൽ എല്ലാം ഉപയോഗിക്കുന്ന മൈക്രോവേവ് ഊർജത്തിന്റെ ഉറവിടം മാഗ്നെട്രോൺ ആണ് .യുദ്ധത്തിലും സമാധാനത്തിലും ഒരുപോലെ തിളങ്ങുന്ന വിരുതനാണ് ''മാഗ്നെട്രോൺ'
--
Ref:
1.https://www.cap.ca/wyp/profiles/Redhead-Nov01.PDF
--
ചിത്രo :ക്യാവിറ്റി മാഗ്നെട്രോൺ, മാഗ്നെട്രോണിന്റെ താത് വിക ഘടന .  ,ചിത്രo കടപ്പാട് വിക്കിമീഡിയ കോമൺസ്

Share The knowledge !

Related Posts

Leave a Reply

Your email address will not be published. Required fields are marked *