Collecting knowledge For you !

സിറിസ് (Ceres) - അത്ഭുതങ്ങളുടെ കലവറയായ കുള്ളൻ ഗ്രഹം

By:
Posted: January 15, 2018
Category: Space
Comments: 0
download palathully android app ! >>>> Get!

സൗരയൂഥത്തിൽ ഇപ്പഴത്തെ കണക്കനുസരിച് എട്ടു ഗ്രഹങ്ങൾ (Planets)മാത്രമേയുളൂ .പ്ലൂട്ടോ യെ 2006 ഇൽ ഗ്രഹങ്ങളുടെ പട്ടികയിൽ നിന്നും ,കുള്ളൻ ഗ്രഹങ്ങളുടെ(Dwarf Planet) പട്ടികയിലേക്ക് തരം താഴ്ത്തുകയുണ്ടായി .പുതിയ നിർവചനമനുസരിച് സൂര്യനെ വലം വയ്ക്കുന്ന ഒരു ഖഗോള വസ്തുവിനെ(Celestial Body) ഗ്രഹമായി കരുത്തണമെകിൽ ആ വസ്തു ചില നിബന്ധനകൾ പാലിച്ചിരിക്കണം .അതിലൊരു നിബന്ധനയാണ് ,ആ വസ്തു തന്റെ ഭ്രമണ പദ്ധതിനടുത്തുള്ള ചെറിയ വസ്തുക്കളെയൊക്കെ നിഷ്കാസനം ചെയ്തിരിക്കണമെന്നാണ് (Clearing of the orbit and neighbourhood)..ചുരുക്കത്തിൽ അതെ ഭ്രമണ പഥത്തിലോ പരിസരത്തോ മറ്റു ചിന്ന ഗ്രഹങ്ങൾ (Asteroids) ഉണ്ടെങ്കിൽ ആ ഓർബിറ്റിലെ വസ്തു ഒരു ഗ്രഹമല്ല .വലിയ ദ്രവ്യമാനമുള്ള ഗ്രഹങ്ങൾക്ക് തങ്ങളുടെ ഭ്രമണപഥത്തെയും പരിസരത്തെയും വളരെയെളുപ്പം തങ്ങളുടെ വരുതിയിൽ നിർത്താൻ കഴിയും താരതമ്യേന ചെറിയ ഗോളങ്ങളായ പ്ലൂട്ടോയെപ്പോലെയുള്ളവക്ക് അത് കഴിയില്ല അങ്ങിനെയാണ് പ്ലൂട്ടോയുടെ'' ഗ്രഹ '' പദവിക്ക് ഇളക്കം തട്ടിയതും പ്ലൂട്ടോ ഒരു കുള്ളൻ ഗ്രഹമായി തരം താഴ്ത്തപ്പെട്ടതും .കുള്ളൻ ഗ്രഹങ്ങൾ തങ്ങളുടെ ഭ്രമണപഥവും പരിസരവും സ്വന്തമായി തങ്ങളുടെതാക്കണമെന്നില്ല .സ്വന്തം ഗുരുത്വാആകര്ഷണബലം കൊണ്ട് ഒരു ഗോളാകൃതി നിലനിർത്താൻ കഴിഞ്ഞാൽ മാത്രം മതി .സാങ്കേതികമായി പറഞ്ഞാൽ ആ വസ്തു ഹൈഡ്രോസ്റ്റാറ്റിക് ആയ സന്തുലനം(Hydro Static Equilibrium) നിലനിർത്തണം . .സാധാരണയായി 500 കിലോമീററിൽ കൂടുതൽ വ്യാസമുള്ള വസ്തുക്കൾക്ക് .സ്വന്തമായി ഗോളാകൃതി നിലനിർത്താൻ കഴിയും .ഈ നിർവചനം പ്രകാരം സൗരയൂഥത്തിൽ ഉറപ്പുള്ള അഞ്ച് കുള്ളൻ ഗ്രഹങ്ങളുണ്ട് സീറീസ്(CERES) ,പ്ലൂട്ടോ(PLUTO) ,ഹ്യുമായ(HAUMEA) ,മകമാകെ(MAKEMAKE) ,ഈറിസ്(ERIS) എന്നിവയാണ് ഇപ്പോൾ നിലവിലുള്ള കുള്ളൻ ഗ്രഹങ്ങൾ .ഇവയെക്കൂടാതെ ഏതാണ്ട് അഞ്ചു ട്രാൻസ് നെപ്ട്യൂണിയൻ വസ്തുക്കളെ (Trans Neptunian Objects) കുള്ളൻ ഗ്രഹങ്ങളായി കണക്കാക്കകണം എന്ന വാദവും ശക്തമാണ്

.
ഇപ്പഴത്തെ കുള്ളൻ ഗ്രഹങ്ങളിൽ സെറീസ് ഒഴികെ മറ്റെല്ലാവരും നെപ്ട്യൂണിന്റെ ഭ്രമണ പദത്തിന് വെളിയിൽ സൂര്യനെ ചുറ്റുന്നവയാണ് .സെറീസ് ആകട്ടെ ചോവാക്കും ,വ്യാഴത്തിനും ഇടയിലാണ് സൂര്യനെ വലം വക്കുന്നത് .ചൊവെക്കും വ്യാഴത്തിനും ഇടയിലെ ആസ്റ്റെറോയ്ഡ് ബെൽറ്റിലെ വമ്പനാണ് കുള്ളൻ ഗ്രഹമായ സെറീസ് സൂര്യനിൽ നിന്ന് 2.8 എ യൂ( AU –Astronomical Unit) അകലെയാണ് സെറീസ് സൂര്യനെ വലം വക്കുന്നത് .വ്യാസം 960 കിലോമീറ്റര് മാത്രം .മനുഷ്യ നേത്രത്തിന്റെ പരിധിക്ക് അല്പം പുറത്താണ് അതിന്റെ പ്രകാശ മാനം(Visual Magnitude) .അതിനാൽ തന്നെ ടെലിസ്കോപ്പുകൾ കൊണ്ടേ കാണാൻ സാധിക്കൂ 1801 ഇത് ഇറ്റലിക്കാരനായ ഗുസ്സിപ്പി പിയാസീ (Giuseppe Piazzi) യാണ് സെറീസിനെ നിരീക്ഷണങ്ങളിലൂടെ കണ്ടുപിടിച്ചത് .അക്കാലത്തു അതിനെ ഒരു ഗ്രഹമായാണ് കരുതിയിരുന്നത് .അര നൂറ്റാണ്ടുകാലം പ്ലൂട്ടോയെപ്പോലെ സെറിസും ഒരു ഗ്രഹമായി വിരാജിച്ചു .പിന്നീട് അതെ ഭ്രമണപഥത്തിനടുത് മറ്റു ചെറു വസ്തുക്കൾ കൂടി കണ്ടുപിടിച്ചപ്പോൾ സിരിസിന്റെ ഗ്രഹ പദവിക്ക് ഇളക്കം തട്ടി 1860 ഓടുകൂടി സെറീസ് ഗ്രഹ പദവിയിൽ നിന്നും നിഷ്കാസനം ചെയ്യപ്പെട്ടു .പിന്നീട് സിറിസിനെയും ആസ്റ്റീറോയ്ഡ് ബെൽറ്റിലെ മറ്റു വസ്തുക്കളെയും ച്ചിന്ന ഗ്രഹങ്ങൾ (ആസ്റ്റെറോഡുകൾ) എന്ന് മുദ്രകുത്തി . പിന്നീട പ്ലൂട്ടോയുടെ ഗ്രഹപദവിയെ കുറിച്ചുള്ള തർക്കത്തിനൊടുവിലാണ് പ്ലൂട്ടോയുടെ കൂടെ സിരിസിനെയും ഒരു കുള്ളൻ ഗ്രഹമായി അംഗീകരിച്ചു സ്ഥാനക്കയറ്റം നൽകിയത് .അങ്ങിനെ ഉയർച്ച താഴ്ചകളുടെ ഒരു പരമ്പരയാണ് സിറിസിന്റെ ചരിത്രം.
.
ഹബ്ബിൾ ടെലെസ്കോപ്പ് വരുന്നത് വരെ സെറീസിന്നെ വളരെ അവ്യക്തമായ ഒരു ചെറിയ ഡിസ്ക് ആയി മാത്രമേ വലിയ ടെലികോപ്കൾ കൊണ്ടുപോലും കാണാൻ കഴിഞ്ഞിരുന്നുളൂ . .ഹബിൾ ടെലിസ്കോപ്പിന് സിറിസിന്റെ പ്രതലത്തില് ചില ഏറ്റക്കുറച്ചിലുകൾ അനുമാനിക്കാനായി .എന്നിരുന്നാലും വലിപ്പം വളരെ കുറവായതുകൊണ്ട് സിറിസിനെ ഭൂമിയിൽ നിന്നുള്ള നിരീക്ഷണങ്ങൾ കൊണ്ട് മനസിലാക്കൻ പരിമിതികളുണ്ട് .അതിനാലാണ് യൂ എസ് ഒരു സ്പേസ് ക്രാഫ്റ്റ് അയച്ചു സിറിസിനെ പഠിക്കാൻ തീരുമാനിച്ചത് ഡാൻ (Dawn)എന്നുപേരിട്ട ആ സ്പേസ് ക്രാഫ്റ്റ് 2007 ലാണ് വിക്ഷേപിച്ചത് .സിരിസിലേക്ക് പരോക്ഷമായ ഒരു പാതയാണ് ഡാൻ സ്വീകരിച്ചത് ..നൂതനമായ അയോൺ പ്രൊപ്പൽഷൻ എഞ്ചിനുകളും(Ion Propulsion Engine) ഡാൻ ഇൽ ഉണ്ടായിരുന്നു .
.
വളരെ സങ്കീർണമായ ഒരു യാത്രക്ക് ശേഷം ഡാൻ 2011 ഇൽ ച്ചിന്ന ഗ്രഹമായ വെസ്റ്റ (Vesta)യുടെ സമീപം എത്തി. സിരിസിന്റെ പകുതിയോളം വ്യാസമുള്ള ഒരു ച്ചിന്ന ഗ്രഹമാണ് വെസ്റ്റ.പൂർണമായ ഗോളാകൃതി ഉള്ള ഒരു ച്ചിഹ്നഹ്റഹമല്ല ഇത് ..ഏതാണ്ടൊരു ഗോളാകൃതി വെസ്റ്റേക്കുണ്ട്..പൂർണമായും ഹൈഡ്രോസ്റ്റാറ്റിക് സ്റ്റെബിലിറ്റി പ്രാപിച്ചിട്ടില്ലാത്ത സൗരയൂഥ വസ്തുവാണ് വെസ്റ്റ .ഡാൻ 2011 ലും 2015ലും വെസ്റ്റയെ നിരീക്ഷണം നടത്തുകയുണ്ടായി .

ഡാൻ സിറിസിനടുത്തെത്തിയത് 2015 മാർച്ചിലാണ് 2015 ഡിസംബർ മുതൽ 2016 സെപ്തംബര് വരെ ഡാൻ സിറിസിനെ 375 കിലോമീറ്റര് ഉയരത്തിലുള്ള ഭ്രമണപഥത്തിൽ വലം വച്ച് ആ കാലത്താണ് സീരിസിനെപ്പറ്റിയുള്ള സുവ്യക്തമായ വിവരങ്ങൾ ഡാൻ ശേഖരിച്ചത് . ഈ കാലത് ഡാൻ സിറിസിനെ പൂർണമായും മാപ്പുചെയ്തു . .സിറിസിന്റെ പ്രതലത്തിൽ ജലത്തിന്റെ സാന്നിധ്യം കണ്ടെത്തുകയും ചെയ്തു
.
ഡാൻ സിരിസിൽ കണ്ടെത്തിയ പ്രധാനപ്പെട്ട ഒരു ഭൗമ സവിശേഷതയാണ് ഒകാറ്റർ ഗർത്തം ( Occator Crator) ) .ഇത് സിരിസിന്റെ പ്രതലത്തിൽ കാണപ്പെടുന്ന തിളക്കമുള്ള ഒരു സവിശേഷതയാണ്.ഇതിനെപറ്റി പല അഭ്യൂഹങ്ങളും ഹബിൾ ചിത്രങ്ങൾ പുറത്തുവന്ന പ്പോൾ മുതൽ നിലനിന്നിരുന്നു . ഈ പ്രകാശമുള്ള വസ്തു മഗ്നീഷ്യം സൾഫേറ്റ് ഹൈഡ്രേറ്റ്( magnesium sulfate hexahydrite (MgSO4•6H2O)) ആണെന്നാണ് ഡാനിലെ ഉപകരണങ്ങൾ കണ്ടെത്തിയത് .ഇതേതരത്തിലുള്ള മറ്റനേകം പ്രകാശമാനമായ സ്ഥലങ്ങളും സിരിസിന്റെ പ്രതലത്തിൽ ഡാൻ കണ്ടെത്തുകയുണ്ടായി .ഡാൻ കണ്ടെത്തിയ സിരിസിലെ ഏറ്റവും ഉയരമുള്ള കൊടുമുടിക്ക് അഹുര മോൻസ്(Ahura Mons) എന്നാണ് പേരിട്ടിരിക്കുന്നത് . ചില അവസരങ്ങളിൽ മേഘസമാനമായ വാതകങ്ങളുടെ സാന്നിധ്യവും ഡാൻ കണ്ടെത്തി .സിറിസിന്റെ അന്തർ ഭാഗത്തു നിന്നും ജല കണങ്ങളും വാതകങ്ങളും ചാക്രികമായി പുറന്തള്ളപ്പെടുന്നുണ്ടെന്നാണ് നിരീക്ഷണങ്ങളുടെ അനുമാനം .ഈ നിരീക്ഷണങ്ങളുടെ പിൻബലത്തിൽ സീറീസ് ഇപ്പോഴും ഭൗമമായി ജീവാവസ്ഥയിൽ (Geologically Active)ആണെന്നാണ് നിഗമനം .താരതമ്യേന ചെറിയ ഒരു കുള്ളൻ ഗ്രഹം ഇത്രയേറെ വൈവിധ്യങ്ങളും നിഗൂഢതകളും നിറഞ്ഞതായിരിക്കുന്നത് . സൗരയൂഥത്തിലെ ചെറിയ വസ്തുക്കളെപ്പറ്റിയുള്ള കാഴ്ചപ്പാടിനെ കാര്യമായി ഉലച്ചിട്ടുണ്ട് .
.
സെറീസിന് വളരെ നേർത്ത ഒരു അന്തരീക്ഷവും (Tenuous Atmosphere)ഡാൻ കണ്ടെത്തി സെറീസിന്റെയുള്ളിൽ നിന്നും ബഹിർഗമിക്കുന്ന വാതകങ്ങളാണ് ഈ വളരെ നേർത്ത അന്തരീക്ഷത്തെ നിലനിർത്തുന്നത് .റേഡിയോ ഐസോടോപ്പുകളുടെ സ്വയം വിഘടനം മൂലം ഉണ്ടാകുന്ന ഊർജമാണ് സിറിസിനെ ഇപ്പോഴും ഭൗമ മായി ആക്റ്റീവ് ആയി നിർത്തുന്നത് .ഡാൻ പര്യവേക്ഷണം നടത്തുന്നതിനുമുന്പ് സീറീസ് ഏതെങ്കിലും തരത്തിലുള്ള ജീവൻ നിലനിർത്താൻ കെല്പുള്ള ഒരു സ്ഥലമായി കരുത്തപ്പെട്ടിരുന്നില്ല .പക്ഷെ കണ്ടുപിടിക്കപ്പെട്ട ജല സാന്നിധ്യവും ജിയോളജിക്കൽ ആക്ടിവിറ്റിയും സിരിസിനെയും ജീവൻ നിലനിൽക്കാൻ സാധ്യതയുള്ള സൗരയൂഥ ഗോളങ്ങളുടെ പട്ടികയിൽ എത്തിച്ചിരിക്കുകയാണ്

-------

Ref:
1.https://dawn.jpl.nasa.gov/mission/
2.https://solarsystem.nasa.gov/planets/ceres
3.http://astronomy.swin.edu.au/cosm…/H/Hydrostatic+Equilibrium

---
ചിത്രo :സിറിസ് ഡാൻ എടുത്ത ചിത്രം ,:(ചിത്രo കടപ്പാട് വിക്കിമീഡിയ കോമൺസ് )  ( ചിത്രം കടപ്പാട് നാസ -(സ്വതന്ത്ര ഉപയോഗത്തിന് നൽകിയിട്ടുള്ള ചിത്രം))
------
PS:എന്തുകൊണ്ടാണ് ഗ്രഹങ്ങളെല്ലാം ഗോളാകൃതിയിൽ ആയിരിക്കുന്നത് ?
.
.സാങ്കേതികമായി ''ഹൈഡ്രോ സ്റ്റാറ്റിക് ഇക്വിലിബ്രിയം'' (Hydro static Equilibrium) എന്ന അവസ്ഥയിൽ എത്തിച്ചേരുന്ന വസ്തുക്കൾ ഗോളാകാരം കൈവരിക്കും .. വസ്തുവുന്റെ തന്നെ ഗുരുത്വശക്തിയും(ഉള്ളിലേക്ക് വലിക്കുന്ന) ഭ്രമണം മൂലമുണ്ടാകുന്ന സെൻ്ററി ഫ്യൂഗഎൽ ഫോഴ്സ് ഉമാണ് (പുറത്തേക്കു തള്ളുന്ന ) വിരുദ്ധങ്ങളായ ശക്തികൾ .വസ്തുവിന് ഒരു പരിധിയിൽ കൂടുതൽ ദ്രവ്യമാനം ഉണ്ടെങ്കിൽ മാത്രമേ ഈ സന്തുലിതാവസ്ഥയി എത്തിച്ചേരുകയുളൂ .സാധാരണ സൗരയൂഥത്തിലെ അയൺ--സിലിക്കേറ്റ് വസ്തുക്കൾക്ക് 500-700കിലോമീറ്റര് വ്യാസം ഉണ്ടെങ്കിൽ ഹൈഡ്രോ സ്റ്റാറ്റിക് ഇക്വിലിബ്രിയംത്തിൽ എത്തിച്ചേരാനും ഗോളാകൃതി കൈവരിക്കാനും സാധിക്കും . ദ്രവ്യമാനം കുറവാണെങ്കിൽ ഈ അവസ്ഥയിൽ ഒരിക്കലും എത്തപ്പെടില്ല .വസ്തു വിനു നിയതമായ ഒരു ആകൃതി ഉണ്ടാവില്ല .രണ്ടോ മൂന്നോ ച്ചിന്ന ഗ്രഹങ്ങൾ ഒഴിച്ചുള്ളവയെല്ലാം നിയതമായ ആകൃതി ഇല്ലാത്തവയാണ് ..സീറീസ് ഒരു മാർജിനൽ വസ്തുവാണ് .സിറിസിനെക്കാൾ വലിപ്പമുള്ളവയെല്ലാം ഗോളാകാരം പ്രാപിച്ചവയാണ് .സിറിസിനെക്കാൾ ചെറിയ 99% വസ്തുക്കളും നിയതമായ ആകൃതി ഇല്ലാത്തവയാണ്.
--

Share The knowledge !

Related Posts

Leave a Reply

Your email address will not be published. Required fields are marked *