Collecting knowledge For you !

അക്കിലിസ്‌ (Achilles ) - പാതിദേവനായ മനുഷ്യൻ: പുരാതനയവനരുടെ വീരയോദ്ധാവ്

By:
Posted: February 28, 2018
Category: Myths
Comments: 0
download palathully android app ! >>>> Get!

പാശ്ചാത്യ ലോകത്തിൽ അഖിലെസ്സിനെ അറിയാത്തവരായി ആരും ഉണ്ടാവില്ല . യവന ഇതിഹാസമായ ഇലിയഡിലെ നായക പ്രാധാന്യമുള്ള കഥാപാത്രമാണ് അകിലെസ് .പുരാതനകാലം മുതൽ പല വീര യോദ്ധാക്കളെയും പ്രചോദിപ്പിച്ച സ്മരണയാണ് അഖിലേസിന്റേത്.
.
അഖിലെസ്സിന്റെ കഥ പൂർണമായും പ്രതിപാദിക്കുന്ന ഗ്രന്ഥങ്ങൾ ഇല്ല . അക്കിലിസിന്റെ സമ്പൂർണമായ ഇതിഹാസം അനാവരണം ചെയ്യാൻ ഉദ്ദേശിച്ച് റോമിലെ പബ്ലിയസ് സ്‌റ്റേറ്റിനാസ് ( Publius Papinius Statius ) എഴുതിത്തുടങ്ങിയ അക്കില്ലിയാഡ് (Achilleid )എന്ന ഗ്രന്ഥം പൂർത്തിയാക്കുന്നതിനുമുന്പ് ഗ്രന്ഥകാരൻ അന്തരിച്ചു . പിന്നീട് ആ ഗ്രന്ഥം ആരും പൂർത്തീകരിച്ചില്ല . ഹോമെറിന്റെ മഹാകാവ്യമായ ഇലിയഡിൽ അക്കിലിസിന്റെ കഥ പൂർണമായും പറയുന്നില്ല . ട്രോജൻ യുദ്ധവുമായി ബന്ധപ്പെട്ട അക്കിൾസിന്റെ കഥമാത്രമാണ് ഇല്ലിയാടിൽ നിന്നും ലഭിക്കുന്നത് . ഇലിയഡ് ഹെക്റ്ററിന്റെ മരണത്തിനുശേഷം അക്കിലിസ്‌ നടത്തുന്ന കായിക മത്സരങ്ങളുടെ വിവരണത്തോടെ അവസാനിക്കുന്നയാണ് .പല പല പുരാതന യവന ഗ്രന്ഥങ്ങളിൽ (poems of the Epic Cycle )നിന്നാണ് അക്കിലിസിന്റെ കഥ പൂർണമായി ലഭിക്കുന്നത്.
.
യവന ഇതിഹാസങ്ങൾ പ്രകാരം ഹെറാക്ലിസിന്റെ സുഹൃത്തും തെസ്സലിയിലെ പ്രമുഖ യോദ്ധാവും ആയിരുന്ന പീലിയൂസ് (Peleus ) ആൺ അക്കിലിസിന്റെ പിതാവ് . മാതാവ് ജലദേവതയായ തെറ്റിസ് ( Thetis) .നേറെയ്‌ഡുകൾ (Nereid ) എന്നറിയപ്പെടുന്ന ദേവഗണത്തിൽ പെട്ടയാളാണ് തെറ്റിസ് . ഇവരുടെ വിവാഹ സൽക്കാരത്തിനിടക്കാണ് ട്രോജൻ യുദ്ധത്തിനടിസ്ഥാനമായ സംഭവങ്ങളുടെ വിത്ത് പാകപ്പെട്ടത് . തെറ്റിസിനെ വിവാഹം ചെയാൻ ദേവാധിദേവനായ സിയൂസും സമുദ്രദേവനായ പോസെയ്ഡോനും ആഗ്രഹിച്ചിരുന്നു . എന്നാൽ തെറ്റിസിന് ഇവരിൽ ഉണ്ടാവുന്ന പുത്രൻ സിയൂസിനെക്കാൾ മഹാനാകുമെന്ന പ്രവചനം നിമിത്തമാണ് സിയൂസും പോസിഡോണും ആ ശ്രമത്തിൽ നിന്നും പിന്തിറിഞ്ഞത് .പിന്നീട് സിയൂസ് തന്നെ മുൻകൈയെടുത്താണ് തെറ്റിസിന്റെ വിവാഹം പീലിയുസുമായി നടത്തിയത്.
.
ജനിച്ചപ്പോൾ തന്നെ അക്കില്ലെസിനെ ആയുധങ്ങളിൽ നിന്നും രക്ഷിക്കാൻ തെറ്റിസ് സ്റ്റിക്സ് എന്ന നദിയിൽ തലകീഴായി മുക്കി .ആകില്ലെസ്സ് മുങ്ങി മരിക്കുമെ ന്നു ഭയന്ന് പിതാവായ പീലിയുസ് തെറ്റിസിനെ തടഞ്ഞു . അതിനാൽ തന്നെ അക്കിലിസിന്റെ ഉപ്പൂറ്റി മുക്കിയെടുക്കാൻ തെറ്റിസിന് കഴിഞ്ഞില്ല . കോപാക്രാന്തയായ . തെറ്റിസ് പീലിയാസിനെയും അക്കിലിസിനെയും ഉപേഷിച്ച് കടന്നു . ഒറ്റക്ക് അകിൽസിനെ വളർത്താൻ ബുദ്ധിമുട്ടു തോന്നിയ പീലിയുസ് അകിൽസിനെ പാതിമനുഷ്യനും പാതി കുതിരയുമായ സെന്റൗറുകളുടെ (Centaur ) നായകൻ ചിറോണിന് ( Chiron) വളർത്താനും വിദ്യ അഭ്യസിപ്പിക്കാനുമായി നൽകി . അസ്ത്ര ശസ്ത്രങ്ങളുടെ പ്രയോഗത്തിലും കലകളിലും അതുല്യനായ ഗുരുവായിരുന്നു ചിറോൺ . ചിറോണിന്റെ സംരക്ഷണയിലാണ് അക്കിലിസിന്റെ ബാല്യകാലം കടന്നു പോയത് . ചിറോണിനെ വിട്ടുവരുന്പോഴേക്ക് അക്കിലെസ് യവന ദേശത്തെ പരമ പ്രധാനിയായ യോദ്ധാവായി മാറിയിരുന്നു.
--
അഖിലെസ്സ് ട്രോജൻ യുദ്ധത്തിൽ
--
മൈസിനിയിലെ മഹാനായ രാജാവായ അഗമെംനോണിന്റെ നേതിര്ത്വത്തിൽ യവനാര് ട്രൈ ആക്രമിക്കാൻ പദ്ധതിയിട്ടപ്പോൾ തന്നെ മാതാവായ തെറ്റിസ് അഖിലെസ്സിനെ സ്ത്രീ വേഷത്തിൽ ലൈകോമെഡിസിലെ രാജാവായ സ്കൈറോസിന്റെ കൊട്ടാരത്തിൽ ഒളിപ്പിച്ചു . പക്ഷെ ബുദ്ധിമാനായ ഒഡിസിസിന്റെ സൂത്രത്തിൽ അക്കില്ലെസിന്റെ പൊയ്മുഖം അനാവരണം ചെയ്യപ്പെട്ടു അങ്ങിനെയാണ് ട്രോജൻ യുദ്ധത്തിൽ പങ്കെടുക്കാൻ അഖിലെസ്സ് നിർബന്ധിതമായത് . പിതാവിന്റെ അനുചരന്മാരായ മാർമിഡോണുകൾ( Myrmidons) എന്നറിയപ്പെടുന്ന അതിശക്തരായ 1500 യോദ്ധാക്കളെയും കൂട്ടി അമ്പതു കപ്പലുകളിലാണ് അഖിലെസ്സ് ട്രോജൻ യുദ്ധത്തിന് പുറപ്പെടുന്നത് . യവന സേനയിലെ സ്‌പെഷ്യൽ ഫോഴ്സ് ആയിരുന്നു അഖിലെസ്സിന്റെ അനുയായികൾ .
.
ട്രോജൻ യുദ്ധത്തിൽ യവനരുടെ പരമ പ്രധാനിയായ യോദ്ധാവായി മാറാൻ അഖിലേസിന് വളരെയെളുപ്പം കഴിഞ്ഞു . അഖിലേസിന് കിടനിൽക്കാൻ അജാക്സ് , ഡയോമെഡിസ്‌ , ഒഡിസിസ് എന്നിവർക്കുമാത്രമേ യവന നിരയിൽ കഴിയുമായിരുന്നുളൂ .ട്രോജൻ നിരയിൽ ഹെക്റ്റർ മാത്രമായിരുന്നു അഖിലേസിന് കിടനിൽക്കാനാവുമായിരുന്നത് . യുദ്ധത്തിനിടക്ക് അഗമെംനോനുമായുള്ള അഭിപ്രായ വ്യത്യാസം കാരണം അകിലീസ് യുദ്ധത്തിൽ നിന്നും പിന്മാറിയപ്പോൾ കനത്ത തിരിച്ചടികളാണ് യവർക്കുണ്ടായത് . സമ്പൂർണമായ തോൽവി ഒഴിവാക്കാൻ അഖിലെസ്സിന്റെ സുഹൃത്തായ പെട്രോക്ലിസിനെ അക്കിലിസിന്റെ വേഷത്തിൽ പോരിനിരക്കുക എന്നത് യവന യോദ്ധാക്കളിലെ മൂപ്പനായ നെസ്റ്ററുടെ ബുദ്ധിയായിരുന്നു . ആ ബുദ്ധി ഏതാണ്ട് വിജയിക്കുകയും ചെയ്തു . ഗ്രീക്കുകാർ ട്രോജൻമാരെ തുരത്താൻ തുടങ്ങി ആ അവസരത്തിലാണ് ഹെക്റ്റർ പട്രോക്ലേസിനെ വധിക്കുന്നത് . സുഹൃത്തിന്റെ മരണം അഖിലേസിന്നെ കോപാക്രാന്തനാക്കി ,അദ്ദേഹം യുദ്ധത്തിൽ വീണ്ടും പങ്കാളിയായി ഹെക്റ്ററെ വധിക്കുകയും ചെയ്തു . ഹെക്റ്ററുടെ മൃതശരീരം വാങ്ങാൻ വരുന്ന ട്രോജൻ രാജാവും ഹെക്റ്ററുടെ പിതാവുമായ പ്രിയാ മിനോട് വളരെ ഉദാരമായാണ് അഖിലെസ്സ് പെരുമാറിയത് .ഹെക്റ്ററുടെ മൃതദേഹം തിരികെ നൽകുകയും ദുഃഖസൂചകമായി പന്ത്രണ്ട് ദിവസത്തേക്ക് യുദ്ധം നിർത്തിവക്കുകയും ചെയ്തു . ഈ ബിന്ദുവിലാണ് ഇലിയഡ് അവസാനിക്കുന്നത്
--
അഖിലെസ്സിന്റെ മരണം
--
മരിക്കുന്നതിന് മുൻപ് തന്റെ സഹോദരനായ പാരിസ് അഖിലെസിനെ വധിക്കുമെന്ന് ഹെക്റ്റർ പ്രവചിച്ചിരുന്നു . പക്ഷെ ഒരു ഭീരുവായിരുന്നു പാരിസ് . അക്കിലിസിനോട് പോയിട്ട് ഗ്രീക്ക് സേനയിലെ സേവകരോട് പോലും ഏറ്റുമുട്ടാനുള്ള ആയുധപരിഞ്ജാനം പാരിസിനില്ലായിരുന്നു .പക്ഷെ സൂര്യദേവനായ അപ്പോളോ പാരിസിൽ ദയയുള്ളവനായിരുന്നു . അഖിലെസ്സിന്റെ ദൗബല്യമായ ഉപ്പൂറ്റിയിൽ(AchillesHeel ) വിഷം പുരട്ടിയ അമ്പെയ്താൽ അഖിലെസിനെ വധിക്കാനാവുമെന്ന് ഉപദേഹം അപ്പോളോയിൽ നിന്നാണ് പാരിസിന് ലഭിച്ചത് . അതുപോലെതന്നെ യുദ്ധത്തിനിടക്ക് ഒളിഞ്ഞിരുന്ന പാരിസ് അഖിലെസ്സിന്റെ ഉപ്പൂറ്റിനോക്കി വിഷം പുരട്ടിയ അമ്പെയ്തു .അപ്പോളോ അതിനെ ലക്ഷ്യത്തിലെത്തിച്ചു . ചതിയിൽ കൊല്ലപ്പെടുമ്പോഴും അജയ്യനായ യോദ്ധാവായിരുന്നു അഖിലെസ്സ്. ജീവിച്ചിരിക്കുമ്പോൾ അദ്ദേഹത്തെ നേരിട്ടുനിന്നു യുദ്ധത്തിൽ പരാജയപ്പെടുത്താൻ ഒരു യോദ്ധാവിനും കഴിഞ്ഞിരുന്നില്ല
--
ചിത്രം :അഖിലെസ്സ് ചിത്രം കടപ്പാട് വിക്കിമീഡിയ കോമൺസ്

--
ref
1.https://www.greekmythology.com/…/Her…/Achilles/achilles.html
2.https://en.wikipedia.org/wiki/Achilles
3.http://www.history.com/topics/ancient-history/achilles

Share The knowledge !

Related Posts

Leave a Reply

Your email address will not be published. Required fields are marked *