Collecting knowledge For you !

വെള്ളമടിക്കാരനായ യുദ്ധവിമാനം - മിഗ് -25

By:
Posted: April 3, 2018
Category: Hard to Believe
Comments: 0
download palathully android app ! >>>> Get!

എഴുപതുകൾ മുതൽ ഒരു മുപ്പതു വര്ഷം സോവ്യറ്റ് യൂണിയന്റെയും ,സോവ്യറ്റ് യൂണിയന്റെ പിന്തുടർച്ച രാജ്യമായ റഷ്യയുടെയും ഒരു പ്രധാന പോർവിമാനമായിരുന്നു മിഗ് -25 . യു എസ് ഇന്റെ S R-71 ചാരവിമാനത്തെ മെരുക്കാനായിരുന്നു മിഗ് -25 .നിർമ്മിക്കപ്പെട്ടത് . അതിനാൽ തന്നെ മാക് മൂന്നിനുമുകളിൽവേഗതയും ഇരുപത്തഞ്ചു കിലോമീറ്റർ വരെ ഉയരത്തിൽ പറക്കാനുള്ള കഴിവും ഈ പോർവിമാനത്തിനുണ്ടായിരുന്നു .
.
ലക്ഷ്യങ്ങളെ വളരെ ദൂരെ വച്ച് കണ്ടു പിടിക്കാനാവുന്ന വിധം അതി ശക്തമായിരുന്നു മിഗ് -25 ഇന്റെ റഡാർ സംവിധാനം . ഏതാനും കിലോ വാട്ട് പവർ ഔട്പുട്ട് ഉള്ള ഈ റഡാർ അക്കാലത്തെ ഏറ്റവും ശക്തിയുള്ള വ്യോമ റഡാറുമായിരുന്നു . അതിശക്തമായതിനാൽ തന്നെ ഉയരത്തിൽ പറക്കുമ്പോൾ മാത്രമാണ് ഈ റഡാർ പൂർണ ശക്തിയിൽ പ്രവര്തിപിച്ചിരുന്നത് . ഈ റാഡാറിന്റെ പ്രവർത്തനം മൂലമുണ്ടാവുന്ന താപോർജ്ജം നീക്കം ചെയ്തിരുന്നത് ശുദ്ധമായ ഈതൈൽ ആൽക്കഹോൾ ഉപയോഗിച്ചിട്ടായിരുന്നു . ഇതിലേക്കായി നൂറിലധികം ലിറ്റർ ഈതൈൽ ആൽക്കഹോളും മിഗ് -25 ഇന്റെ ഉള്ളിൽ ഉണ്ടായിരുന്നു . ശുദ്ധമായ ഈതൈൽ ആല്കഹോളിനു മറ്റാവശ്യങ്ങളും ഉണ്ടായിരുന്നതിനാൽ സോവ്യ്റ്റ് /റഷ്യൻ പൈലറ്റുമാർ റഡാറിനെ പൂർണതോതിൽ പ്രവർത്തിപ്പിക്കാതെ പകുതിയിലേറെ ആൽക്കഹോൾ ലാഭിചിരുന്നു. മിച്ചം വരുന്ന ഈതൈൽ ആൽക്കഹോൾ മിഗ് -25 കുടിച്ചു വറ്റിച്ചു എന്ന കണക്കിൽ പെടുത്തി എഴുതി തള്ളുകയായിരുന്നു പതിവ് . ഇക്കാരണത്താൽ തന്നെ വിദൂര വ്യോമത്താവളങ്ങളിലേക്കുള്ള മിഗ് -25 ഇന്റെ വരവ് താവളത്തിലെ സൈനികർക്ക് ഒരാഘോഷമായിരുന്നു . അങ്ങിനെ മിഗ് -25 നു ആൽക്കഹോൾ കാരിയർ എന്ന പേരും വീണു . സോവ്യറ്റ് /റഷ്യൻ വ്യോമസേനകളിലെ ഉന്നതർ ഈ ആൽക്കഹോൾ മോഷണംകണ്ടില്ലെന്നു നടിക്കുകയാണ് ചെയ്തത് .അവരും ശുദ്ധമായ ഈതൈൽ ആൽക്കോഹോളിന്റെ ആരാധകർ ആയിരുന്നു
--
ചിത്രം :. മിഗ് -25 : ചിത്രം കടപ്പാട് വിക്കിമീഡിയ കോമൺസ്
--
REF
1.https://www.youtube.com/watch?v=dlMjNMQ8NIY
2,https://www.youtube.com/watch?v=9pxtQhOFqAU

Share The knowledge !

Related Posts

Leave a Reply

Your email address will not be published. Required fields are marked *