Collecting knowledge For you !

എന്താണ് ടാക്ക്യോൺ -ഒരേകദേശ വിശദീകരണം

By:
Posted: May 16, 2018
Category: Mysteries
Comments: 0
download palathully android app ! >>>> Get!

വളരെ ചുരുക്കിപ്പറഞ്ഞാൽ സാങ്കൽപ്പിക മാസ്സുളള( Imaginary mass) ഒരു കണമാണ് ടാക്കിയോൻ .നെഗറ്റീവ് മാസ്സ് /സാങ്കൽപ്പിക മാസ്സ് എന്നത് നിർവചിക്കാവുന്ന ഒന്നല്ല . ഇപ്പോൾ നമുക്കറിയാവുന്ന മൂന്ന് തരം കണങ്ങളാണുള്ളത് . വലിയ മാസ്സുളള ഹാഡ്രോണുകൾ , ചെറിയ മാസ്സുളള ലെപ്റ്റോണുകൾ , പൂജ്യം മാസ്സുളള ഫോട്ടോണുകൾ എന്നിവയാണ് അവ . ഇതിൽ ഹാഡ്രോണുകൾക്കും ലെപ്റ്റോണുകൾക്കും പ്രകാശവേഗതക്ക് താഴെ മാത്രമേ സഞ്ചരിക്കാൻ കഴിയൂ . പ്രോട്ടോണുകൾ ന്യൂട്രോണുകൾ തുടങ്ങിയവയാണ് ഹാഡ്രോണുകളുടെ ഗണത്തിൽ പെടുന്നത് . എലെക്ട്രോണുകൾ ,പോസിട്രോണുകൾ തുടങ്ങിയവ ലെപ്റ്റോണുകളാണ് . ലെപ്റ്റോണുകളെക്കാൾ ആയിരകണക്കിന് മടങ് മാസ്സ് ഹാഡ്രോണുകൾക്കുണ്ട് . ഫോട്ടോണുകളാവട്ടെ മാസില്ലാത്ത കണങ്ങളാണ്. അവ കണങ്ങളുടെയും തരംഗങ്ങളുടെയും ദ്വന്ദ സ്വഭാവവും കാണിക്കുന്നു . അവക്ക് പ്രകാശ വേഗത്തിൽ മാത്രമേ സഞ്ചരിക്കാനാകൂ . പ്രപഞ്ചത്തിലെ ഊർജത്തിന്റെ എല്ലാ വിതരണവും ഫോട്ടോണുകൾ വഴിയാണ് നടക്കുന്നത് . മാസ് ഇല്ലെങ്കിലും ഫോട്ടോണുകൾക്ക് ഊർജ്ജമുണ്ട് .

സാങ്കൽപ്പിക മാസ്സുളള ഒരു കണം സാധ്യമാകുമെങ്കിൽ അതിനു പ്രകാശവേഗതയിൽ കൂടിയ വേഗതയിലെ സഞ്ചരിക്കാനാകൂ . യഥാർത്ഥ   മാസുള്ള   കണങ്ങൾക്ക് പ്രകാശവേഗതയെ കവച്ചു വാക്കാനാവാത്തതുപോലെ , ടാക്യോണുകളുടെ ഏറ്റവും കുറഞ്ഞ വേഗതയാണ് പ്രകാശ വേഗത . ടാക്യോണുകളെ പോലുള്ള സാങ്കൽപ്പിക മാസ്സുളള കണങ്ങളുടെ നിലനിൽപ്പ് നെകുറിച്ചു സംശയങ്ങൾ ഉണ്ട് . പ്രൊഫ സുദർശൻ തെളിയിച്ചത് അത്തരം കണങ്ങളുടെ നിലനിൽപ്പ് ഭൗതിക നിയമങ്ങളുടെ ലംഘനം അല്ല എന്നാണ്. അവ സംഭവ്യമാണെന്നും അവയെ ടാക്കിയോൻ എന്ന് വിളിക്കാം എന്നുമാണ് പ്രൊഫ് സുദർശൻ പറഞ്ഞത് . ടാക്കിയോൻ ഉണ്ടോ ഇല്ലയോ എന്ന ഇപ്പോൾ നമുക്ക് അറിയില്ല . പക്ഷെ അവയുടെ നിലനിൽപ്പ് ഒരു ഭൗതിക നിയമത്തിനും എതിരല്ല എന്ന പ്രൊഫ . സുദർശൻ ന്റെ തിയറിയുടെ വെളിച്ചത്തിൽ അവ ഉണ്ടാകാൻ തന്നെയാണ് സാധ്യത . നമുക്ക് അവയെ കണ്ടെത്താനുള്ള ഉപകരണങ്ങൾ ഇപ്പോൾ ഇല്ല . ഗ്രീക് പദമായ ടാകി ( tachy) ക്ക് വേഗതയേറിയത് എന്നാണ് അർഥം . അതിനാലാണ് പ്രകാശവേഗതയെ ക്കൽ വേഗത്തിൽ സഞ്ചരിക്കാനാവുന്ന കണങ്ങക്ക് ടാക്കിയോൻ എന്ന പേരു വന്നത്
--
ചിത്രം : ടാക്കിയോൻ ഒരു സാങ്കൽപ്പിക ചിത്രം : വേഗത പ്രകാശത്തേക്കാൾ കൂടുതലായതിനാൽ ഒരു ടാക്കിയോൻ കണത്തെ ഒരു നിരീക്ഷകൻ രണ്ടുകാര്യങ്ങളാണ് കാണും എന്നാണ് കരുതപ്പെടുന്നത് .ചിത്രം കടപ്പാട് വിക്കിമീഡിയ കോമൺസ്

Share The knowledge !

Related Posts

Leave a Reply

Your email address will not be published. Required fields are marked *