Collecting knowledge For you !

ഒൻപതാമത്തെ ഗ്രഹത്തിനുവേണ്ടിയുള്ള തെരച്ചിൽ

By:
Posted: May 15, 2018
Category: Science
Comments: 1
download palathully android app ! >>>> Get!

2006 വരെ സൗരയൂഥത്തിലെ ഒൻപതാമത്തെ ഗ്രഹമായി കരുതിയിരുന്നത് പ്ലൂട്ടോയെയാണ് .2006 ഇത് നടന്ന ഇന്റർനാഷണൽ അസ്ട്രോണമിക്കൽ യൂണിയന്റെ(IAU) യോഗം പ്ലൂട്ടോയെ ഗ്രഹങ്ങളുടെ പട്ടികയിൽ നിന്നും തരം താഴ്ത്തി. പ്ലൂട്ടോ ഉൾപ്പെടെ അഞ്ചു സൗരയൂഥ വസ്തുക്കളെ കുള്ളൻ ഗ്രഹങ്ങളാക്കി (Dwarf Planet) പ്രതിഷ്ഠിച്ചു ..ഇപ്പഴത്തെ സ്ഥിതി അനുസരിച്ച പ്ലൂട്ടോ കൂപ്പർ ബെൽറ്റ് (Kuiper belt)എന്നറിയപ്പെടുന്ന ട്രാൻസ് നെപ്ട്യൂണിയൻ ച്ചിന്ന ഗ്രഹ ശ്രിൻഖലയിലെ ഒരു വലിയ വസ്തുവാണ് .കൂപ്പർ ബെൽറ്റ് എന്നത് സൗരയൂദ്ധം രൂപം കൊണ്ട മ ഹാ പ്രതിഭാസത്തിൽ സാന്ദ്രത കുറഞ്ഞ വസ്തുക്കൾ നെപ്ട്യൂണിന്റെ ഭ്രമണപഥത്തിനു വെളിയിൽ സഞ്ചയിച് രൂപം കൊണ്ട ഒരു മേഖലയാണ് .ഇതിനും അതിവിദൂരമായി ഊർട് ക്ളൗഡ് (OORT CLOUD) എന്ന സമാനമായ ഒരു മേഖലയുമുണ്ട് .കൂപ്പർ ബെൽറ്റ് ഒരു ഡിസ്കിന്റെ രൂപത്തിലും ഊർട് ക്ളൗഡ് (oort cloud)ഒരു ഗോളത്തിന്റെ രൂപത്തിലുമാണെന്നാണ് ഇപ്പോഴത്തെ അനുമാനം .സൗരയൂഥത്തിന്റെ കേന്ദ്രത്തിൽ (സൂര്യനിൽ ) നിന്നും മുപ്പത് മുതൽ അൻപതുവരെ എ യൂ ( A U –Astronomical Unit)അകലെയാണ് കൂപ്പർ ബെൽറ്റിന്റെ സ്ഥാനം .ഊർട് ക്ളൗഡ് ആകട്ടെ അതിവിദൂരതയിലാണ് .സൂര്യനിൽ നിന്നും ഒന്നുമുതൽ മൂന്ന് വരെ പ്രകാശ വര്ഷം( 1000AU -50000 AU) അകലെയാണ് ഊർട് ക്ളൗഡ്.

ഈ രണ്ടു മേഖലകൾക്കുമിടയിൽ സൂര്യനെ വലം വയ്ക്കുന്ന വസ്തുകകളെയാണ് സ്കാറ്റേർഡ് ഡിസ്ക് ഒബ്ജെക്ട്സ്(scattered disk objects) എന്നോ ഡിറ്റാച്ഡ് ഒബ്ജെക്ട്സ് (detached objects)എന്നോ വിശേഷിപ്പിക്കുന്നത് .

കഴിഞ്ഞ ഇരുപതു കൊല്ലമായി ഈ മേഖലകളിൽ അഞ്ഞൂറ് കിലോമീറ്ററിന് മുകളിൽ വ്യാസം ഉള്ള അനവധി വസ്തുക്കൾ കണ്ടെത്തിയിട്ടുണ്ട് .അതുകൊണ്ടുതന്നെ ഭൂമിക്കോ ,ബുധനോ സമാനമായ വലിപ്പമുള്ള ഒരു ഗ്രഹം ഇവിടെ നിശ്ചയമാകും ഉണ്ടാകുമെന്നും .അതിനെ കണ്ടെത്താനുള്ള സമയം മാത്രമാണ് പ്രശ്നമെന്നും ആണ് മിക്ക ഖഗോള ശാസ്ത്രകാരന്മാരും കരുതുന്നത് ..സൂര്യനിൽ നിന്നുള്ള ദൂരക്കൂടുതൽ കാരണം ഇവിടെയുള്ള വലിയ വസ്തുക്കളെ പോലും വളരെ മങ്ങിയ നക്ഷത്ര സമാന വസ്തുക്കളായി മാത്രമേ കാണാൻ കഴിയൂ .ദൂരക്കൂടുതൽ കാരണം വളരെ കുറച്ചു സൂര്യ പ്രകാശം മാത്രമേ സൗരയൂഥത്തിന്റെ വിദൂര മേഖലകളിൽ എത്തുകയുളൂ .അതുമൂലം വസ്തുക്കൾ പ്രതിഫലിപ്പിക്കുന്ന വെളിച്ചത്തിന്റെ അളവും കുറവായിരിക്കും .മൂന്നാമതായി അതി വിദൂരമാകയാൽ ഈ വസ്തുക്കളുടെ സൂര്യനെ ചുറ്റിയുള്ള ഭ്രമണ വേഗത താരതമ്യേന വളരെ കുറവായിരിക്കും .അതുമൂലം നക്ഷത്രങ്ങളുടെ ഇടയിലൂടെയുള്ള ഇവയുടെ സ്ഥാനമാറ്റം വളരെ പതുക്കെയായിരിക്കും .വലിയ കാലയളവിലെ നിരീക്ഷണങ്ങൾ കൊണ്ട് മാത്രമേ ഇവയെ സൗരയൂഥ വസ്തുക്കളായി തിരിച്ചറിയാൻ പറ്റൂ .മേൽവിവരിച്ച കാരണങ്ങളാണ് നെപ്ട്യൂണിന്റെ ഭ്രമണ പദത്തിന് വെളിയിലെ ഗ്രഹ സമാന വസ്തുക്കളെ തിരിച്ചറിയുന്നതിനു പ്രതിബന്ധങ്ങൾ സൃഷ്ടിക്കുന്നത് .

കഴിഞ്ഞ ഏതാനും വര്ഷങ്ങളായി ചില ട്രാൻസ് നെപ്ട്യൂണിയൻ(Trans Neptunian Objects) വസ്തുക്കളുടെ വിചിത്രമായ ഭ്രമണപഥങ്ങൾ പല ശാസ്ത്രജ്ഞരെയും കുഴക്കിയിരുന്നു . മിക്ക ഭ്രമണ പഥങ്ങളും ഒരു പ്രത്യേക രീതിയിൽ വിന്യസിക്കപ്പെട്ടിരിക്കുന്നത് യാദൃച്ഛികം അല്ലെന്ന് പലരും അഭിപ്രായപ്പെട്ടിരുന്നു . 2016 ഇൽ മൈക്കൽ ബ്രൗൺ എന്ന യൂ എസ് ഖഗോള ശാസ്ത്രജ്ഞന്റെ നേതിര്ത്വത്തിലുള്ള ഒരു ശാസ്ത്ര സംഘം മേൽ വിവരിച്ചതുപോലുള്ള ഭ്രമണപഥ വിന്യാസം ഗ്രഹസമാന വലിപ്പമുള്ള ഒരു സൗരയൂഥ വസ്തു മൂലമാകാം എന്ന നിഗമനത്തിൽ എത്തിച്ചേർന്നു .ബ്രൗണിന്റെ സംഘത്തിന്റെ നിഗമനം പ്രകാരം ഉണ്ടെന്നു അനുമാനിക്കപ്പെടുന്നു വസ്തു ഭൂയേക്കാൾ പത്തു മടങ്ങുവരെ ദ്രവ്യമാനം ഉള്ളതാകകനുളള സാധ്യതതയുണ്ട് .സൂര്യനില്നിന്നും 200 മുതൽ 600 വരെ A U അകലെയുള്ള ഭ്രമണ പധമാകാം ഈ വസ്തുവിന് .



ബ്രൗണിന്റെയും കൂട്ടരുടെയും നിഗമനങ്ങൾ പലതും ശരിയാണെന്ന് പിന്നീടുള്ള പല നേരിട്ടുള്ള നിരീക്ഷണങ്ങൾ തെളിയിച്ചു .പ്രതീക്ഷിക്കപ്പെടുന്ന ഗ്രഹം പ്ലൂട്ടോയെക്കാൾ അറുനൂറു മടങ്ങെങ്കിലും പ്രകാശം കുറഞ്ഞതായിരിക്കുമെന്നാണ് ഇപ്പോൾ കണക്കു കൂട്ടുന്നത് (പ്ലട്ടോയെക്കാൾ പത്തുമടങ്ങിലധികം ദൂരത്താണ് സാധ്യത കൽപ്പിക്കുന്ന ഗ്രഹം ) .ഇത്തരം വസ്തുക്കളെ ഭൂമിയിൽ സ്ഥാപിച്ചിട്ടുള്ള ടെലിസ്കോപ്പുകൾ വഴി നിരീക്ഷിക്കാൻ പ്രയാസമാണ് .ഭൂമിയുടെ അന്തരീക്ഷത്തിലെ ചലനവും മാറ്റങ്ങളും ഭൂമിയിൽ സ്ഥാപിച്ചിട്ടുള്ള ടെലിസ്കോപ്പുകളുടെ പ്രവർത്തനത്തെ ഗുരുതരമായി ബാധിക്കുന്നതാണ് കാരണം .അടുത്ത രണ്ടു വർഷത്തിനകം ആറു മീറ്റർ വ്യാസമുള്ള ജെയിംസ് വെബ് സ്പേസ് ടെലെസ്കോപ്പ് വിക്ഷേപിക്കപ്പെടുമെന്നാണ് പ്രതീക്ഷിക്കുന്നത് .ഈ ടെലിസ്കോപ്പിനു ഇപ്പോൾ സിമുലേഷനുകളിലൂടെയും ,ഗണിത തത്വങ്ങളിലൂടെയും സാധ്യത കൽപ്പിക്കുന്ന ഒൻപതാം ഗ്രഹത്തെ കണ്ടെത്താൻ കഴിഞ്ഞേക്കും .
--

ചിത്രo: ഒൻപതാമത്തെ ഗ്രഹത്തിന്റെ പ്രതീക്ഷിക്കപ്പെടുന്ന ഓര്ബിറ് കുത്തിട്ടു വരച്ചത് .വിചിത്രമായ ഓർബിറ്റുള്ള ചില ട്രാൻസ് നെപ്ട്യൂണിയൻ വസ്തുക്കളുടെ ഓർബിറ്റുകളാണ് കുത്തിടാത്ത വരകൾ സൂചിപ്പിക്കുന്നത് .ഈ വസ്തുക്കളുടെ ഭ്രമണ പഥങ്ങളുടെ പഠനമാണ് ഒൻപതാം ഗ്രഹത്തെ പറ്റിയുള്ള സൂചനകൾ നൽകുന്നത് .
ചിത്രo കടപ്പാട് :വിക്കിമീയ കോമൺസ്

Ref:
1.http://home.dtm.ciw.edu/…/shep…/pub/TrujilloSheppard2014.pdf
2. http://www.findplanetnine.com/p/blog-page.html

Share The knowledge !

Related Posts

One thought on “ഒൻപതാമത്തെ ഗ്രഹത്തിനുവേണ്ടിയുള്ള തെരച്ചിൽ”

  1. Julius Julius says:

    Good info

Leave a Reply

Your email address will not be published. Required fields are marked *