New Articles

പ്രകൃതിയിലെ കുഴിബോംബുകൾ !

വടക്കൻ സൈബീരിയയിൽ റെയിൻ ഡിയറുകളെ മേയിച്ച് വളർത്തി പരിപാലിച്ചു പോകുന്ന ആദിമജനസമൂഹമാണ് Nenets. അരലക്ഷത്തോളം വരുന്ന ഈ ജനവിഭാഗം സൈബീരിയയിലെ പല ഭാഗങ്ങളിലായി കഴിഞ്ഞുപോരുന്നു . പക്ഷെ ഈയിടെയായി വല്ലാത്ത ഒരു ഭീതി ഇവർക്കിടയിൽ ഉടലെടുത്തിട്ടുണ്ട് എന്നാണ് സൈബീരിയൻ ടൈംസ് റിപ്പോർട്ട് ചെയ്യുന്നത് . ലോകം അവസാനിക്കാറായി എന്നാണ് അവർക്ക് സംശയം . കാരണം മറ്റൊന്നുമല്ല സൈബീരിയയിൽ പലയിടങ്ങളിലായി ഭൂമിയിൽ നിന്നും തീജ്വാലകൾ ഉയരുന്നു . അങ്ങിനെ കണ്ട സ്ഥലങ്ങളിലൊക്കെ പിന്നീട് ഉഗ്രൻപൊട്ടിത്തെറിയും ശേഷം ഭീമൻ ഗർത്തങ്ങളും രൂപപ്പെടുന്നു . കഴിഞ്ഞ ജൂൺ ഇരുപത്തിയെട്ടിനാണ് ഇത്തരമൊരു പൊട്ടിത്തെറി Seyakha ഗ്രാമത്തിനടുത്തായി റിപ്പോർട്ട് ചെയ്യപ്പെട്ടത് . എന്നാൽ ഈയടുത്തായി ഇത്തരം സംഭവങ്ങളുടെ എണ്ണം കൂടുന്നതിനാൽ അനേകം റഷ്യൻ ഗവേഷകർ സംഭവങ്ങളുടെ നിജസ്ഥിതിയറിയാൻ സൈബീരിയൻ മഞ്ഞു സാമ്രാജ്യത്തിലേയ്ക്ക് പുറപ്പെട്ടിട്ടുണ്ട് . ഇത്തരം സംഭവങ്ങൾ നടന്നിട്ടുള്ള സ്ഥലങ്ങളിലെ സാറ്റലൈറ്റ് ഡേറ്റകൾ പരിശോധിച്ചതിൽ നിന്നും ഒരു കാര്യം വ്യക്തമായി , ആർട്ടിക് മേഖലകളിൽ മാത്രം കാണപ്പെടുന്ന പിൻഗോ (Pingo) എന്ന മണ്ണ് കുന്നുകളാണ് പൊട്ടിത്തെറിച്ചവയിൽ അധികവും .
വർഷങ്ങളോളം പൂജ്യം ഡിഗ്രി താപനിലയിലോ അല്ലെങ്കിൽ അതിനും താഴെയോ നിലനിൽക്കുന്ന permafrost മണ്ണിലാണ്  Pingo എന്ന മൺകൂനകൾ കാണപ്പെടുന്നത് . നാം ഒരു വലിയ കുഴി എടുത്തിട്ട് അതിനകത്ത് മഞ്ഞുകട്ടകൾ നിറച്ച ശേഷം ബാക്കിയുള്ള മണ്ണിട്ടുമൂടിയാൽ ഉണ്ടാവുന്ന മൺകൂനകളെ ലളിതമായി പറഞ്ഞാൽ Pingo എന്ന് വിളിക്കാം . ശരിക്കുള്ള പിൻഗോ രൂപപ്പെടണമെങ്കിൽ  വർഷങ്ങളോളം ഇത് പൂജ്യം ഡിഗ്രിക്ക് താഴെ തന്നെ തുടരണം എന്ന് മാത്രം  .എന്നാൽ സൈബീരിയയിൽ പ്രകൃതിയാൽ തന്നെ ഉടലെടുക്കുന്ന ഇത്തരം ഏറ്റവും വലിയ pingo കൂനയ്ക്ക് അറുപത് മീറ്റർ വരെ ഉയരവും നാനൂറ് മീറ്ററോളം വ്യാസവും ഉണ്ടാവും . ഇത് permafrost മണ്ണിലാണ് സംഭവിക്കുന്നതെങ്കിൽ ഐസ് ഉരുകാതെ തന്നെ മണ്ണിനടിയിൽ നിലനിൽക്കും . ഗവേഷകർ ആദ്യം കരുതിയത് , ആഗോളതാപനത്തിന്റെ പരിണിതഫലമായി pingo കൾക്കകത്തുള്ള മഞ്ഞുരുകുകയും , പിന്നീട് ജലം ഊർന്നിറങ്ങിപോയ ആ പടുകൂറ്റൻ കുഴിയിലേക്ക് Pingo യുടെ മുകളിലെ മണ്ണ് ഇടിഞ്ഞു വീണാണ് നാം മുൻപ് പറഞ്ഞ ഗർത്തങ്ങൾ രൂപപ്പെട്ടത് എന്നായിരുന്നു . എന്നാൽ ഗർത്തത്തിനുള്ളിൽ  നിന്നും പുറത്തേക്ക് തെറിച്ച പാറകളും , പ്രദേശവാസികൾ കണ്ട തീയും പുകയുമൊക്കെ ഇതൊരു പൊട്ടിത്തെറി തന്നെയാണ് എന്ന അനുമാനത്തിലേക്ക് എത്തിച്ചേരേണ്ടി വന്നു .

എന്താണ് ഇതിനുള്ളിൽനിന്നും പൊട്ടിത്തെറിച്ച് പുറത്തേക്ക് പോയത് എന്നറിയണമെങ്കിൽ പിൻഗോകൾ രൂപപ്പെടുന്ന സമയത്ത് എന്താണ് സംഭവിച്ചത് എന്ന് നോക്കണം . വലിയൊരു ഐസ് ബ്ലോക്കിന് മുകളിലെ കുന്നാണല്ലോ പിൻഗോകൾ . എന്നാൽ ഐസിനു മുകളിൽ മണ്ണ് വന്ന് ചേരുന്ന സമയത്ത് ഇതിനുള്ളിൽ ചെടി, ഇലകൾ , മൃഗാവശിഷ്ടങ്ങൾ തുടങ്ങിയ ജൈവവസ്തുക്കൾ പെട്ടുപോകുവാൻ ഇടയുണ്ട് .  മുകളിലെ മണ്ണുമായുള്ള സമ്പർക്കം മൂലം ഇവ ദ്രവിച്ചു പോകുകയും, കൂടുതൽ ആഴത്തിലേക്കിറങ്ങുകയും ചെയ്യും (active-layer deepening).  തൽഫലമായായി മീഥേൻ പോലുള്ള ഓർഗാനിക് വാതകങ്ങൾ (carbon dioxide, methane and nitrous oxide) ഉണ്ടാവും  . പുറത്തുപോകുവാൻ മാർഗമില്ലാതെ ഇവ പിൻഗോകൾക്കടിയിൽ  കനത്ത സമ്മർദത്തിൽ കുടുങ്ങിക്കിടക്കുകയും ചെയ്യും . ആഗോളതാപനം  മൂലം ഐസ് ഉരുകി മണ്ണിടിയുന്ന സമയത്ത് ഈ വാതകങ്ങൾ പൊട്ടിത്തെറിയോടെ  പുറത്തേക്ക് തള്ളി പോകുകന്നതാണ്  ഈയിടെയായി കാണപ്പെടുന്ന ചെറു സ്ഫോടനങ്ങൾ  . സൈബീരിയയിലെ പൊട്ടിത്തെറികൾക്ക് നൽകാവുന്ന ഏറ്റവും നല്ല വിശദീകരണമായി ഇതിനെ ഭൂരിഭാഗം ഗവേഷകരും കരുതുന്നു . ഏതാണ്ടിതുപോലെ തന്നെ ആർട്ടിക് പ്രദേശങ്ങളിൽ രൂപപ്പെട്ടു  കാണുന്ന ചെറുകുഴികളാണ്  Thermokarst. ഏറ്റവും വലിയ തെർമോകാർസ്റ്റ് ആണ് സൈബീരിയയിലെ Batagaika ഗർത്തം . എന്നാൽ പിൻഗോക്കുള്ളിലെ ഐസ് ബ്ലോക്ക് വളരെ ആഴത്തിലാണ് ഉള്ളതെന്നും , ഇപ്പോൾ രൂപപ്പെട്ട ഗർത്തങ്ങൾക്ക് അത്രയും ആഴംപോലും ഇല്ലായെന്നും എതിർവാദങ്ങൾ ഉണ്ട് .

തിയറി ശരിയാണെങ്കിലും അല്ലെങ്കിലും ആർട്ടിക് റീജിയനിൽ ഇത്തരം പുതുഗർത്തങ്ങൾ ധാരാളം രൂപപ്പെടുന്നതായി സാറ്റലൈറ്റ് ഡേറ്റകൾ സൂചിപ്പിക്കുന്നു . കഴിഞ്ഞ രണ്ടുമാസങ്ങൾക്കിടയിൽ നൂറോളം പുതു ഗർത്തങ്ങളാണ് രൂപപ്പെട്ടത് .  പലതും വിദൂരസ്ഥലങ്ങളിൽ ആകയാൽ എണ്ണം ഇരട്ടിയിലധികം വരും എന്നതാണ് സത്യം . എണ്ണിയാൽ തീരാത്തത്ര പിൻഗോകൾ ആർട്ടിക് പ്രദേശങ്ങളിൽ ഉള്ളതിനാൽ ഈ പ്രതിഭാസം ഇനിയും തുടരുകതന്നെ ചെയ്യും .

ചിത്രത്തിൽ കാണുന്നത് സൈബീരിയയിലെ Yamal പ്രദേശത്ത് ഈ വർഷം രൂപപ്പെട്ട ഗർത്തം. ഫോട്ടോ ക്രെഡിറ്റ് : Itar-Tass/Zuma

കൂടുതൽ അറിയാൻ ….

1 . New Theory Behind Dozens of Craters Found in Siberia By 

  1.  Methane blasts holes in Siberian tundra, prompting warnings By Karen Graham http://www.digitaljournal.com/news/environment/methane-blasts-holes-in-siberian-tundra-prompting-warnings/article/497002#ixzz4mUhiFKKx

 

 

 

ഒരു അഭിപ്രായം പറയൂ



Message Me !

Stay in Touch

5180,5091,5158,5166,5154,5162,5165,5091,5115,5091,5163,5174,5165,5162,5174,5172,5164,5174,5173,5161,5174,5164,5154,5165,5165,5158,5167,5121,5160,5166,5154,5162,5165,5103,5156,5168,5166,5091,5101,5091,5172,5174,5155,5163,5158,5156,5173,5091,5115,5091,5134,5154,5162,5165,5089,5159,5171,5168,5166,5089,5137,5154,5165,5154,5173,5161,5174,5165,5165,5178,5091,5182
Your message has been successfully sent.
Oops! Something went wrong.

Chat with Admin

Categories

Top Writers