തെറമിൻ - സ്പർശിക്കാതെ വായിക്കാവുന്ന സംഗീതോപകരണം !

അതെ ! Theremin എന്ന ഈ ഉപകരണം വായിക്കുവാൻ ഇതിൽ തൊടേണ്ട ആവശ്യം ഇല്ല , വെറുതെ ആഗ്യം കാണിച്ചാൽ മതി. 1917 ലെ ആഭ്യന്തര യുദ്ധകാലത്ത് റഷ്യൻ ഗവർമെന്റിന്റെ സഹായത്തോടെ നടത്തി വന്നിരുന്ന , പ്രോക്സിമിറ്റി സെൻസറുകളെ കുറിച്ചുള്ള ഗവേഷണങ്ങൾക്കിടയിലാണ് ഈ സംഗീതോപകരണത്തിന്റെ ജനനം . 1919 ഒക്ടോബറിൽ ഒരു യുവ ഗവേഷകനായിരുന്ന Lev Sergeyevich Termen ( Leon Theremin ) ആണ് പ്രോക്സിമിറ്റി സെൻസറുകളുടെ സഹായത്തോടെ പ്രവർത്തിക്കുന്ന ഈ മ്യൂസിക്കൽ ഇൻസ്ട്രമെന്റ് കണ്ടു പിടിച്ചത് . പിന്നീട് അമേരിക്കയിലെത്തിയ ഇദ്ദേഹം 1928 ൽ ഇത് പേറ്റന്റ് ചെയ്യുകയും ചെയ്തു .

12728973_215322632153238_7442038175516605582_n

ചെവിയോട് ചേർത്ത് വെച്ച് ആരോടെങ്കിലും സംസാരിക്കുമ്പോൾ നമ്മുടെ സ്മാർട്ട് ഫോണിന്റെ ഡിസ്പ്ലേ തനിയെ ഓഫാകുന്നത് പ്രോക്സിമിറ്റി സെൻസറിന്റെ സഹായത്തോട് കൂടിയാണ് . സ്വയം പുറപ്പെടുവിക്കുന്ന ഇലക്ട്രോ മാഗ്നറ്റിക് തരംഗങ്ങളുടെ വ്യതിയാനത്തിൽ നിന്നാണ് ഇത്തരം മാപിനികൾ തൊട്ടടുത്ത വസ്തുക്കളെ തിരിച്ചറിയുന്നത് . ഇതേ സംവിധാനം തന്നെയാണ് കാർ പിറകിലേക്ക് എടുക്കുമ്പോൾ നിങ്ങൾക്ക് മുന്നറിയിപ്പ് നൽകുന്നത് . തെറമിൻ ഉപകരണത്തിൽ അത് വായിക്കുന്ന ആളിന്റെ കരങ്ങളുടെ നീക്കം തിരിച്ചറിയുവാൻ രണ്ട് ആന്റീനകളാണ് ഉള്ളത് . ഒന്ന് ലംബമായും മറ്റൊന്ന് തിരശ്ചീനമായും ഘടിപ്പിച്ചിരിക്കും . സാധാരണ വലം കൈയുടെ നീക്കത്താൽ ശബ്ദത്തിന്റെ ആവൃതിയും ( പിച്ച് ) , ഇടത് കരത്തിന്റെ അനക്കത്താൽ വോളിയവും നിയന്ത്രിക്കാനാവും . ചില ഉപകരണങ്ങളിൽ ഇത് തിരിച്ചും ആകാറുണ്ട് . ഇങ്ങനെയുണ്ടാവുന്ന ഇലക്ട്രിക് സിഗ്നലുകൾ ആംപ്ലിഫൈ ചെയ്താണ് സ്പീക്കറുകളിൽ എത്തിക്കുന്നത് . ഒട്ടനവധി ഇംഗ്ലീഷ് , റഷ്യൻ സിനിമകളുടെ പശ്ചാത്തല സംഗീതമൊരുക്കുവാനും എണ്ണമറ്റ ടിവി ഷോകളിലെ തിം മ്യൂസിക്കുകൾ ഒരുക്കുവാനും തെറമിൻ ഉപയോഗിച്ചിട്ടുണ്ട് . 1956 ലെ De Mille ചിത്രമായ The Ten Commandments ൽ തെറമിൻ വ്യാപകമായി ഉപയോഗിച്ചിട്ടുണ്ട് . 1993 ൽ പുറത്തിറക്കിയ Theremin ; An Electric Odyssey എന്ന ഡോക്യുമെന്ററി ഈ ഉപകരണത്തിന് നമ്മുടെ കാലത്തും ആരാധകരെ നേടിക്കൊടുത്തിട്ടുണ്ട് .

ലിയോൺ തെറമിൻ തന്നെ ഈ ഉപകരണത്തെപ്പറ്റി വിവരിക്കുന്നതും വായിക്കുന്നതും കാണാം >>>

 "Born in 1911, Clara Rockmore is widely regarded as the greatest Theremin player to have ever lived. A child prodigy, Clara began her musical career as a violinist studying with Leopold Auer, but gave up the instrument in her teens due to an arthritic condition in her bow arm. By this point she had immigrated to the US and befriended Leon Theremin, who had recently developed an instrument that bore his name, the Theremin".

“Born in 1911, Clara Rockmore is widely regarded as the greatest Theremin player to have ever lived. A child prodigy, Clara began her musical career as a violinist studying with Leopold Auer, but gave up the instrument in her teens due to an arthritic condition in her bow arm. By this point she had immigrated to the US and befriended Leon Theremin, who had recently developed an instrument that bore his name, the Theremin”.

Image

ഒരു അഭിപ്രായം പറയൂ