Belladonna-മനോഹരമായ വിഷപ്പൂവ്

Share the Knowledge

Deadly Nightshade എന്ന് ഈ ചെടിയെ വെറുതെ വിളിക്കുന്നതല്ല . Atropa belladonna ചെടിയുടെ എല്ലാ ഭാഗവും വിഷമാണ് .  റോമന്‍ ചക്രവര്‍ത്തിമാര്‍ കൂട്ടുകാരും കുടുംബക്കാരും ആയുള്ള “ശത്രുക്കളെ ” വകവരുത്തുവാന്‍ പ്രധാനമായും ഈ ചെടിയെ ആണ് ഉപയോഗിച്ചിരുന്നത് . ലോകത്തിലെ ഏറ്റവുംകൊടിയ വിഷമുള്ള പുഷ്‌പം  എന്ന അനൌദ്യോഗിക വിശേഷണവും ഈ പൂവിനുണ്ട് . നൂറ്റാണ്ടുകളായി മരുന്നിനും , സൌന്ദര്യ വര്‍ധനവിനും , വിഷത്തിനും ലഹരിക്കും ഈ ചെടി മാറി മാറി ഉപയോഗിക്കുന്നുണ്ട് . ആട്രോപിന്‍ എന്ന മരുന്ന് ഈ ചെടിയില്‍ നിന്നാണ് ഉണ്ടാക്കുന്നത്‌ . സസ്യത്തിന്റെ എല്ലാ ഭാഗത്തും tropane alkaloids അടങ്ങിയിട്ടുണ്ട് .ഈ ചെടിയുടെ രണ്ട് കായ്‌കള്‍ മതി ഒരു മനുഷ്യന്റെ കഥ കഴിക്കാന്‍ . ബ്ലാക്ക് ബെറി ആണെന്ന് തെറ്റിദ്ധരിച്ചാണ് ആളുകള്‍ ഇത് കഴിക്കാറുള്ളത് .physostigmine അല്ലെങ്കില്‍  pilocarpine ആണ് ഇതിന്റെ ആന്റി ഡോട്ട് .  പുരാതന യൂറോപ്പില്‍ ഇത് ഒരു വേദന സംഹാരിയായി ഉപയോഗിച്ചിരുന്നു . ഹോമിയോയിലും ഇതിന് ഉപയോഗങ്ങൾ ഉണ്ട് . പ്രാചീന ജർമ്മൻ ജാതികൾ വിഷ അമ്പ്‌ ഉണ്ടാക്കുവാൻ ഈ ചെടിയും പൂവും വ്യാപകമായി ഉപയോഗിച്ചിരുന്നു .

Image

ഒരു അഭിപ്രായം പറയൂ