തൊട്ടാൽ എല്ലൊടിയുന്ന രോഗം; പക്ഷേ സ്പർശ് ഷാ ഒരു സംഭവമാണ്

Share the Knowledge

ഇത് സ്പർശ് ഷാ, തൊട്ടാൽ എല്ലൊടിയുന്ന രോഗമുള്ള പന്ത്രണ്ടുവയസ്സുകാരൻ. അമേരിക്കയിലാണ് താമസം. ഗർഭപാത്രത്തിൽ നിന്ന് പുറത്തുവന്നപ്പോൾ തന്നെ നാൽപതോളം എല്ലുകൾ ഒടിഞ്ഞിരുന്നു. പന്ത്രണ്ടുവയസ്സിനിടെ 125 ഓളം ഒടിയലുകൾ കൈകളിലും കാലുകളിലും വന്നുകഴിഞ്ഞു. ഒരാൾ ഒന്നമുറുക്കി ഷേക്ക്ഹാൻഡ് കൊടുത്താൽ എല്ലുകൾ നുറുങ്ങഉം. ഒന്നു നടക്കാനാകില്ല. കൈകളിൽ ബലം കൊടുക്കാനാകില്ല. എല്ലുകൾ പൊട്ടും. ഒസ്റ്റേ ജെനിസിസ് ഇംപെർഫെക്ട എന്ന അപൂ‍‍ർവ്വ രോഗം ബാധിച്ച കുട്ടി. പക്ഷേ പത്തോളം പാട്ടുകളെഴുതി ഇതിനകം സംഗീതം ചെയ്തു കഴിഞ്ഞു. കൂടാതെ മൾട്ടി ടാലൻറഡ് കൂടിയാണ് ഈ കൊച്ചുമിടുക്കൻ.

ന്യൂ ജഴ്സിയിൽ വിവിധ സ്ഥലങ്ങളിലായി കഴിഞ്ഞവർഷം 45ഓളം സംഗീതപരിപാടികൾ നടത്തികഴിഞ്ഞു. ദിസ് ലവ് വിൽ നെവർ ഫേഡ് എന്ന സ്പർശിന്‍റെ പാട്ട് ഇതിനകം വളരെ ശ്രദ്ധനേടിയതാണ്. ഒപ്പം റേഡിയോയിലും ടി.വിയിലും പരിപാടികൾ, ചടങ്ങുകൾക്ക് അവതാരകൻ, നാലുതരം ശൈലിയിൽ ഇംഗ്ലീഷ് സംസാരിക്കാനുള്ള അറിവ് തുടങ്ങിയ കഴിവുകളും. യങ് വോയിസ് ഓഫ് എൻവൈസി എന്ന മ്യൂസിക് ഷോ വിന്നറുമായി സ്പർശ്.

പൈയുടെ 250 ഓളം നമ്പറുകളും ഇംഗ്ലീഷ് ഡിക്ഷണറിയിലെ 12 വലിയ വാക്കുകളും 18 സെക്കന്‍റിൽ പറയാനും സ്പർശിന് ആവും. കവിതകൾ, ചെറുകഥ, പ്രചദനാത്മകമായ പ്രസംഗങ്ങൾ എന്നിവയും നാടകാഭിനയവും സ്പർശിനുണ്ട്. “Pneumonoultramicroscopicsilicovolcanoconiosis,”, 45 വാക്കുള്ള ഈ ഇംഗ്ലീഷ് വാക്ക് ആറാം വയസ്സിൽ പുഷ്പം പോലെ പറഞ്ഞിട്ടുമുണ്ട് സ്പർശ്.

ഹിന്ദുസ്ഥാനി ഏഴരവാഷമായി പഠിക്കുന്നു. അമേരിക്കൻ വോക്കൽ മ്യൂസിക് 3 വർഷമായി പഠിക്കുന്നു. മൂന്നാം വയസ്സിൽ പിയാനോ പഠനം തുടങ്ങി. പക്ഷേ കൈകളിലെ എല്ലൊടിഞ്ഞതുമൂലം നിർത്തി. പണ്ഡിറ്റ് ജസ്രാജ് ഇൻസ്റ്റിറ്റൂട്ട് ഓഫ് മ്യൂസിക്കിൽ ആറാം വയസ്സുമുതൽ ശാസ്ത്രീയ സംഗീതം പഠിക്കുന്നുമുണ്ട്.

ഇന്ത്യൻ വംശജരായ അച്ഛൻ ഹിരൺ , അമ്മ ജിഗിഷ ഷാ എന്നിവർ 2003ലാണ് യുഎസ്സിലെത്തിയത്. തൊട്ടടുത്തവർഷമായിരുന്നു സ്പർശ് ജനിച്ചത്. ന്യൂജഴ്സിയിലെ സെന്‍റ് ജൂഡ് ചിൽഡ്രൻസ് റിസർച്ച് ആശുപത്രിയിലായിരുന്നു രോഗം മൂലം ചികിത്സ. ഇപ്പോൾ ആശുപത്രിയിലെ യൂത്ത് അംബാസഡറുമാണ് സ്പ‌‍ർശ്. വാട്ട് എൻഎക്സ്ടി റോബോട്ടിക്സ് അംഗവും വേൾ്ഡ് റോബോട്ടിക് ചാമ്പ്യൻഷിപ്പിൽ പങ്കെടുത്തയാളുമാണ് സ്പർശ്. കൂടാതെ ഇന്ത്യൻ കോണസുലേകറ്റ് നടത്തിയ ഡോ.അംബേദ്കർ പ്രസംഗ മത്സര വിജയിയാണ്. എമിനത്തിന്‍റെ റാപ്പ് പാട്ടുകൾ പാടാൻ ഏറെ ഇഷ്ടവുമാണ് സ്പർശ്. “I don’t see myself as disabled. I just dis the ‘dis’ from disabled- സ്പർശിന്‍റെ പ്രചോദനാത്മകമായ വാക്കുളാണിത്.

From

http://malayalam.samayam.com

 

Palathully

Palathully

ഇന്റര്‍നെറ്റില്‍നിന്നുംശേഖരിക്കുന്നഇത്തരംപോസ്റ്റുകളുടെയഥാര്‍ത്ഥരചയിതാവിന്‍റെപേര്അവസാന ഭാഗത്ത്‌ഉണ്ടാവും . തെറ്റെങ്കില്‍ juliuskuthukallen@gmail.com എന്നവിലാസത്തില്‍അറിയിക്കുക .
Palathully
Image

ഒരു അഭിപ്രായം പറയൂ